سڑک کی خراب حالت کی وجہ سے لوگ پریشانی کا شکار ہیں

بشناہ سب ڈویژن کی چورلی سے پی ایس پورہ سڑک متعلقہ محکمہ کی توجہ کی طلبگار
لازوال ڈیسک

جموں؍؍ بشناہ سب ڈویژن میں چورلی سے پی ایس پورہ تک پی ڈبلیو ڈی روڈ کی خراب حالت کی وجہ سے گاؤں چورلی ، کوٹھے چورلی اور ملحقہ علاقوں کے باشندے پریشانی کا شکار ہیں۔علاقہ مکینوں کا کہنا تھا کہ سڑک اب ایک طویل عرصے سے انتہائی خراب حالت میں ہے اور کیچڑ اچھالوں اور کھڈوں سے بھری ہوئی ہے ، جس سے مقامی لوگوں کی زندگیاں بڑے خطرے میں ہیں۔انہوں نے کہا کہ بارش کے موسم میں مذکورہ سڑک غیر محرک ہوجاتی ہے۔اس علاقے کے سرپنچ ، پنچ اور سماجی کارکن جس میں سوشیل سنگھ چاڑک ، سماجی کارکن ، کیلاش چندر سرپنچ ، رنجیت سنگھ نائب سرپنچ ، ساگر سنگھ چاڑک رسمی نائب سرپنچ ، وکی سنگھ چب اور رگوبیر سنگھ چاڑک نے کہا کہ عام عوام اس پر چلنے پر مجبور ہیں۔ کھردری سڑک جو ان کو تکلیف کا سبب بنتی ہے۔