بازاروں میں چھڑکائووصفائی ستھرائی مہم کی تیز
شاکرملک
بانہال؍؍سب ضلع بانہال میں میونسپلٹی محکمہ کی طرف چیئرمین فاروق احمد کی سربراہی میں سینیٹیزیشن ڈرائیو کا اہتمام کیا گیا ۔اس دوران کورونا وائرس سے بچنے کے لئے لوگوں کو اطلاح دی گئی کہ وہ صاف صفائی کا خیال رکھے۔میونسپلٹی چیرمین بانہال نے بانہال بازار میں سینیٹائزر کا چھڑکائو بھی کیا اور لوگوں کو مطلع کیا کہ وہ بھیڑ بھاڑ سے گریز کرے اور ساتھ ہی ساتھ اپنے علاقوں میں صاف صفائی کا خیال رکھے۔اس دوران لوگوں نے میونسپلٹی محکمہ کا شکریہ ادا کرتے ہوئے کہاکہ میونسپلٹی کی طرف سے سینیٹیزیشن مہم چلانا ایک اچھا قدم ہے اور لوگوں کو انتظامیہ کے ساتھ تعاون کرنا چاہئے تاکہ کورونا وائرس سے لوگوں کو دور رکھاجائے۔
