اجمل بشیر ملک
رام بن؍؍ضلع رام بن کے تحصیل پوگل پرستان کے علاقے پنگلوگہ کے لوگ زمین کھسکنے سے خوفزدہ ہو گیے ہیں۔تفصیلات کے مطابق گزشتہ رات کو اچانک علاقہ پوگل پنگلوگہ مین زمین کھسکنے سے خوف و حراس میں مبتلا ہو گئے ہیں۔اس سلسلے میں متاثرین نے نمایندے سے بات کرتے ہوئے کہا کہ ہوچک لنک سڑک سے لگاتار پتھراور ملبہ گرنے کی وجہ سے علاقہ پنگلوگہ کے لوگوں میں دہشت پھیل گئی اور لوگوں نے رات کو ہی ہجرت کرکے مقامی سکول۔میں پناہ لی ہے۔ انہوں نے مزید بتا یا کہ انتظامیہ کی طرف سے ہمارے پاس ابھی تک کوئی اہلکار نہیں آیا ہے کہ علاقہ میں جو خوف ودہشت پھیلی ہے س کی کی وجہ ہے اور کتنا نقصان لوگوں کا ہوا ہے۔متاثرین نے مزید کہا کہ رات کو پتھر اور ملبہ گرنے سے بہت سارے مکانوں کو نقصان پہنچا ہے اور لگاتار کل سے پتھر گر رہے ہیں۔متاثرین نے ریاست کے لیفٹیننٹ گورنر اور ضلع انتظامیہ سے اپیل کی ہے کہ وہ سرکاری اہلکار جائے وقوعہ پر بھیج کر نقصانات کا جائزہ لے کر متاثرین کو معقول معاوضہ فراہم کی ج سکے۔تاکہ متاثرین دوبار آنے اہل وعیال کے لئے سر چھپانے کیلئے چھت تعمیر کر سکے۔
