یواین آئی
سرینگر؍؍ شمالی کشمیر کے ضلع بارہمولہ کے رفیع آباد علاقے میں جمعہ کے روز ایک مختصر شوٹ آؤٹ میں ایک جنگجو ہلاک ہوا۔پولیس ذرائع کے مطابق جنگجوؤں کی سرگرمیوں کے بارے میں خفیہ اطلاع ملنے پر 32 آر آر اور جموں و کشمیر پولیس کے اسپیشل آپریشنز گروپ کی ایک مشترکہ ٹیم نے بارہمولہ کے رفیع آباد علاقے کے شتلو گاؤں میں ناکہ کے دوران جنگجوؤں کو روکا۔انہوں نے بتایا کہ اس دوران طرفین کے درمیان تصادم آرائی چھڑ گئی جس کے نتیجے میں ایک جنگجو مارا گیا۔ذرائع کا کہنا کہ ہے کہ سیکورٹی فورسز نے پورے علاقے کو محاصرے میں لے کر گھر گھر تلاشی کارروائیاں شروع کی ہیں جو آخری اطلاعات موصول ہونے تک جاری تھیں۔
