حق میں فکس ڈیپازٹ کے طور پر دو لاکھ پچاس ہزار روپے جاری کیے
ساجد طفیل لون
ڈوڈہ؍؍ڈسٹرکٹ ڈویلپمنٹ کمشنر ، ڈاکٹر ساگر ڈی ڈوفود ، جو ڈسٹرکٹ ریڈ کراس سوسائٹی کے چیئرمین بھی ہیں ، نے بھدروہ بھجا کے مقتول تلک راج کی پانچ بیٹیوں کے لئے فکسڈ ڈپازٹ کے طور پر آج ، دو لاکھ پچاس ہزار روپے جاری کیا ابتدائی مالی امداد کے طور پر پہلے ہی مرحوم کی اہلیہ کے حق میں منظوری دی جاچکی ہے۔ڈی ڈی سی نے متوفی کے لواحقین ، جس میں متوفی بیوہ اور پانچ لڑکیاں شامل ہیں ، کے ساتھ بات چیت کرتے ہوئے کہا کہ ہر لڑکی کے لئے ان کے بینک کھاتوں میں پچاس ہزار روپے کی رقم جمع کروائی گئی ہے ، جو ان کی شادی کے وقت استعمال ہوسکتی ہے۔ متوفی خاندان کے اگلے تین سالوں کے اپنے روز مرہ کے اخراجات پورے کرنے کے لئے ماہانہ دو ہزار روپیے امداد کے طور پر منظوری دی گئی ہے۔علاوہ ازیں ڈی ڈی سی نے تحصیلدار بھدرواہ کو ہدایت کی ہے کہ وہ متوفی کی اہلیہ کی ایڈجسٹمنٹ سے متعلق کسی طریقہ کار کا جائزہ لیں اور ضلع کمیٹی کو اسی معاملے سے متعلق رپورٹ ترجیحی بنیاد پر پیش کریں تاکہ نیک کام کے لئے ضروری کارروائی کی جاسکے۔پروگرام کے دوران ایگزیکٹو سکریٹری ڈسٹرکٹ ریڈ کراس سوسائٹی ڈاکٹر بشارت کرائپک ، تحصیلدار بھدرواہ ذیشان طاہر ، نائب سرپنچ بھجا کے علاوہ کنبہ کے افراد اور ریڈ کراس سوسائٹی کے عہدیدار موجود تھے۔
