راجکوٹ، (یو این آئی ) شیلڈن جیکسن (ناٹ آؤٹ 69) کی شاندار نصف سنچری سے سوراشٹر نے گجرات کے خلاف رنجی ٹرافی سیمی فائنل کے پہلے دن ہفتہ کو پہلی اننگز میں 90 اوور میں پانچ وکٹ پر 217 رنز بنا لئے ۔گجرات نے اس مقابلے میں ٹاس جیت کر پہلے فیلڈنگ کرنے کا فیصلہ کیا۔ سوراشٹر نے اچھی شروعات کرتے ہوئے پہلے وکٹ کے لئے 62 رن جوڑے ۔ سوراشٹر کے ٹاپ آرڈر کے پانچ بلے بازوں نے اچھی شروعات کی لیکن نصف سنچری بنانے میں صرف جیکسن کامیاب رہے ۔ جیکسن 132 گیندوں پر نو چوکوں اور دو چھکوں کی مدد سے ناقابل شکست 69 رنز بنا چکے ہیں اور اپنی ٹیم کی اننگز کو سنبھالے ہوئے ہیں۔سوراشٹر نے اپنے پانچ وکٹ 162 رن پر گنوا دیے ہیں لیکن جیکسن اور چراغ جانی نے چھٹے وکٹ کی ناٹ آوٹ شراکت میں 55 رن جوڑ کر ٹیم کو بحران سے نکال لیا ہے ۔ جیکسن کے ساتھ جانی 66 گیندوں میں دو چوکوں کی مدد سے 16 رنز بنا کر کریز پر ہیں۔سوراشٹر کے لئے ھاروک دیسائی نے 35، کشن پرمار نے 37، او بروٹ نے 27 اور وشوراج جڈیجہ نے 26 رن بنائے ۔ گجرات کے لئے ارجن ناگوسوالا نے 40 رن پر تین وکٹ اور پٹیل نے 47 رن پر دو وکٹ لئے ۔یو این آئی ۔
