لازوال ڈیسک
جموں؍؍وشو بھارتیہ ہائیر سیکنڈری اسکول اکالپور موڑ ، جموں کے نوجوان طلباء نے انگریزی اور سائنس کے اولمپیاڈ ٹیسٹ میں کامیابی حاصل کی۔ انگریزی ٹیسٹ میں پندرہ طلباء اور سائنس میں دس طلبائ شریک ہوئے۔ انگریزی میں طلائی تمغہ جیتنے والوں میں اننت شاہ ، سنیدھی سنگرال ، کاونجالی ہنسپال ، سنجنا بھاردواج اور ارون کول شامل ہیں۔سلور میڈل جیتنے والے جییوکا ، لہڑ ، پرتیک کول اور ایشانی کول ہیں جبکہ کانسی کا تمغہ جیتنے والے نیتیہ مانہاس ، ایشتا بھن اور صابھی شرما ہیں۔سائنس میں طلائی تمغہ جیتنے والوں میں پیوش بادل ، سکشا بھاٹ اور ایشانی کول ہیں اور سائنس میں چاندی کا ایک تمغہ جیتنے والا درستی اجے رائنا ہے۔طلباء نے دونوں امتحانات میں عمدہ کارکردگی کا مظاہرہ کیا اور اچھے نمبر حاصل کیے تاکہ وہ میڈلز کے ایوارڈ کے قابل بن سکیں۔ اسکول کے پرنسپل اور اساتذہ نے ان طلبا کو مبارکباد پیش کی اور اولمپیاڈ ٹیسٹ میں کامیابی اور اسکول کے لئے نام اور شہرت دلانے پر ان کی تعریف کی۔
