ہند امریکہ اپنا مستقبل کہیں زیادہ روشن بنائیں گے
آگرہ؍؍ہندوستان کے ساتھ رشتوں میں گرماہٹ اور مضبوطی فراہم کرنے کا اشارہ دیتے ہوئے امریکی صدر ٹرمپ نے پیر کو کہا کہ یہ تو ابھی آغاز ہے ۔ہندوستان کے دور وزہ دورے پر یہاں پہنچے ٹرمپ نے محبت کی مثال تاج محل میں داخلے سے قبل ٹوئٹ کیا‘‘ امریکہ اور ہندوستان اپنے ممالک کو مضبوط بنائیں گے ۔ اپنے لوگوں کو احترام فراہم کریں گے ۔بڑے سپنے دیکھنے والوں کو اور بڑا بنائیں گے اور اپنا مستقبل پہلے سے کہیں زیادہ روشن بنائیں گے ۔ یہ تو ابھی آغاز ہی ہے ’’۔مسٹر ٹرمپ کے ساتھ ان کی بیوی ملینا ٹرمپ کے علاوہ بیٹی اوانکا اور داماد جیریڈ کشنر بھی تاج کی خوبصورتی دیکھنے پہنچے تھے ۔ ٹرمپ اپنے اراکین اہل خانہ کے ساتھ تقریبا یک گھنٹہ تاج محل میں گذاریں گے ۔ اس دوران ٹرمپ نے ویزیٹر بک میں اپنا پیغام بھی لکھا۔بعد میں ٹرمپ جوڑا ڈائنا بنچ پہنچے اور تاج کی خوبصورتی جی بھر کر دیدار کیا۔اس سے قبل گجرات پہنچنے پر ٹرمپ نے اپنے ہندی ٹوئٹ میں لکھا تھا‘‘ خاتون اول اور میں اس ملک کے ہر شہری کو ایک پیغام دینے کے لئے دنیا کا 8000 میل کا چکر لگا کر یہاں آئے ہیں۔ امریکہ ہندوستان سے پیارکرتا ہے ۔امریکہ ہندوستان کا احترام کرتا ہے ۔ اور امریکہ کے لوگ ہمیشہ ہندوستا کے لوگوں سے سچے اور مخلص دوست رہیں گے ۔
