ویلنگٹن (یو این آئی ) تیز گیند باز کائل جیمیسن (38 رن پر تین وکٹ) کی خطرناک گیند بازی سے نیوزی لینڈ نے ہندستان کو پہلے ٹیسٹ میچ کے پہلے دن جمعہ کو دن کا کھیل ختم ہونے تک پانچ وکٹ پر 122 رن پر محدود رکھا۔ خراب موسم کی وجہ سے پہلے دن صرف 55 اوورز کا ہی کھیل ممکن ہوسکا۔ٹاس ہار کر بلے بازی کرنے اتری ہندستانی ٹیم کی شروعات بے حد خراب رہی اور اوپنر پرتھوی شا ٹم ساؤدی کا شکار بنے ۔ پرتھوی نے 18 گیندوں میں دو چوکے کے سہارے 16 رن بنائے ۔ اس کے بعد مینک اگروال نے چتیشور پجارا کے ساتھ اننگز کو آگے بڑھایا لیکن جیمیسن نے بي جے واٹلنگ کے ہاتھوں کیچ کراکر پجارا کو پویلین بھیج دیا۔ پجارا نے 42 گیندوں میں 11 رن کی اننگز میں ایک چوکا لگایا۔مینک اگرچہ اپنی اننگز کو آگے بڑھاتے رہے لیکن تبھی جیمیسن نے راس ٹیلر کے ہاتھوں کیچ کراکر کپتان وراٹ کوہلی کو آؤٹ کر ہندوستان کو زوردار جھٹکا دیا۔ وراٹ محض دو رن بنا کر آؤٹ ہوئے ۔ ابتدائی جھٹکوں کے بعد مینک نے اجنکیا رہانے کے ساتھ ہندستانی اننگز کو سنبھالنے کی کوشش کی اور دونوں بلے بازوں کے درمیان چوتھے وکٹ کے لئے 48 رنز کی شراکت ہوئی۔مینک اور رہانے اپنی شراکت کو اور بڑی کرتے ہوئے اس سے پہلے ہی ٹرینٹ بولٹ نے مینک کو جیمیسن کے ہاتھوں کیچ کراکر ہندستان کو ایک اور جھٹکا دیا۔ مینک کا وکٹ 88 کے اسکور پر گرا۔ مینک نے 84 گیندوں میں 34 رن کی اننگز میں پانچ چوکے لگائے ۔پریکٹس میچ میں سنچری لگانے والے ھنوما وھاري اس میچ میں فلاپ ثابت ہوئے اور جیمیسن کا شکار بنے ۔ وھاري نے سات رنز بنائے ۔ جیمیسن جھٹکوں سے گھری ہندستانی اننگز کو خراب موسم نے تھوڑی راحت دی اور 55 ویں اوور میں بارش کی وجہ سے میچ کو روکنا پڑا اور اس کے بعد دن کا کھیل دوبارہ شروع نہیں ہو سکا۔ اسٹمپ تک رہانے 38 اور نوجوان وکٹ کیپر بلے باز رشبھ پنت 10 بنا کر کریز پر موجود ہیں۔نیوزی لینڈ کی جانب سے جیمیسن نے 14 اوورز میں 38 رنز دے کر تین وکٹ اور ساؤدی نے 14 اوور میں 27 رن دے کر ایک وکٹ لیا۔ چوٹ کے بعد واپسی کر رہے بولٹ کو بھی 14 اوورز میں 44 دے کر ایک وکٹ ملا
