واشنگٹن؍؍امریکہ کے صدر ڈونلڈ ٹرمپ کو ایک اور نئی مشکل کا سامنا ہے ۔ احتساب آفس نے کسانوں کیلئے ٹرمپ کے 28 ارب ڈالر کے بیل آؤٹ پیکیج کی تحقیقات کا اعلان کردیا۔ ان پر فنڈز کے غلط انتظام اور تقسیم میں جانبداری کا الزام ہے ۔ امریکی میڈیا کے مطابق یو ایس گورنمنٹ اکاونٹیبلٹی آفس کسانوں کیلئے صدر ٹرمپ کے بیل آؤٹ پیکیج کی تحقیقات شروع کر رہا ہے ۔یہ پیکیج ان کسانوں کے لئے ہے جنہیں امریکہ اور چین کی تجارتی جنگ کی وجہ سے نقصان پہنچا ہے ۔ تحقیقات سینیٹر ڈیبی اسٹیب نو کی درخواست پر شروع کی گئیں جنہوں نے فنڈز کے غلط انتظام اور تقسیم میں جانب داری کا الزام لگایا ہے ۔ ان کا کہنا ہے کہ زیادہ فنڈز جنوبی ریاستوں میں تقسیم کئے جارہے ہیں جنہوں نے ٹرمپ کو ووٹ دیئے تھے ۔ سینیٹر ڈیبی اسٹیب نو کے مطابق چھوٹے کسانوں کے بجائے بڑی اور غیرملکی زرعی کمپنیوں کو فوقیت دی جارہی ہے ۔
