حیدرآباد؍؍تلنگانہ کے صارفین نے راحت کی سانس لی ہے کیونکہ ٹماٹر اور پیاز کی چلر قیمت میں کمی واقع ہوئی ہے ۔ہول سیل قیمتوں میں بالترتیب 40تا50فیصد تک کی کمی ہوئی ہے ۔ہول سیل منڈیوں میں تازہ فصل کی آمد میں مسلسل اضافہ کے نتیجہ میں قیمتوں میں کمی ہوئی ہے ۔ماہرین کا کہنا ہے کہ آئندہ دنوں باورچی خانہ کی اہم شئے کی قیمت میں مزید کمی واقع ہوگی۔بوم پلی سبزی مارکٹ کے ایک کمیشن ایجنٹ کا کہنا ہے کہ ریاست بھر میں پیاز اور ٹماٹر کی سپلائی دوگنی ہوگئی ہے جس کے نتیجہ میں قیمتوں میں کمی درج کی گئی ہے ۔یہ کمی خریف کے موسم میں تازہ فصل کی آمد کے نتیجہ میں ہوئی ہے ۔انہوں نے مزید کہا کہ جاریہ ہفتہ پیاز کی سپلائی میں مزید اضافہ ہوگا کیونکہ 80تا100ٹرکس لاریوں کے ذریعہ پیاز کی سپلائی ہوگی جس کے نتیجہ میں ان کی قیمتوں میں مزید گراوٹ ہوگی۔سکندرآباد علاقہ کے ایک سبزی فروش کا کہنا ہے کہ ان دنوں ٹماٹر اور پیاز کی سپلائی میں مزید اضافہ ہوا ہے ۔انہوں نے کہاکہ ٹماٹر کی کھپت میں بھی کمی ہوئی ہے ۔یہ کمی میڈارم جاتری کے نتیجہ میں ہوئی ہے ۔ریٹیل بازار میں پیاز کی قیمت 30تا50روپئے فی کیلو کے درمیان ہے جبکہ دیسی ٹماٹر کی قیمت فی کیلو 10تا20روپئے اور ہائبرڈ ٹماٹر کی قیمت فی کیلو 30تا60روپئے فی کیلو ہوئی ہے ۔ہائبرڈ ٹماٹر کی قیمت زیادہ ہے کیونکہ اس کی سپلائی کرناٹک اورمہاراشٹر سے کی جاتی ہے ۔یہ کہتے ہوئے کہ پیاز کی ہول سیل قیمت میں مزید گراوٹ ہوسکتی ہے ،سلکشن گریڈ سکریٹری زرعی مارکٹ کمیٹی بوئن پلی ایل سرینواس نے کہا کہ پیاز اور ٹماٹر کی سپلائی بہتر بارش کے نتیجہ میں بہتر ہوئی ہے ۔مارچ کے اواخر تک ان کی قیمتوں میں مزید گراوٹ درج کی جائے گی جس کے بعد مقامی فصل میں کمی کے نتیجہ میں ٹماٹر کی قیمتوں میں اضافہ ہوسکتا ہے ۔فی الحال ٹماٹر کی سپلائی میں 35فیصد تک کا اضافہ ہوا ہے ۔آئندہ دنوں میں فی کیلو پیاز کی قیمت25روپئے تا 15روپئے فی کیلو کے درمیان درج کی جائے گی۔
