صدر مقام پرتا حال محض پرائمری ہیلتھ مرکز کا ہونا انتہائی افسوس ناک اور باعث تشویش :عوام تھنہ منڈی
عمران خان
تھنہ منڈی؍؍عوام تھنہ منڈی نے ریاستی انتظامیہ سے مانگ کی ہے کہ تھنہ منڈی سب ڈویژن کے ہسپتال کو فوری طور پر سب ضلع ہسپتال کا درجہ دیا جائے تاکہ غریب عوام کی مشکلات کا ضروری ازالہ ہو سکے۔عوام نے افسوس کا اظہار جتاتے ہوئے کہا کہ سب ڈویژن تھنہ منڈی کی مجموعی آبادی 2011 کے شمار میں ایک لاکھ تک جا پہنچی ہے وہاں اتنی کثیر آبادی کیلئے محض ایک پرائیمری ہیلتھ سینٹر صرف ناکافی ہی نہیں بلکہ عوام کے ساتھ ایک بھدا مذاق ہے۔عوام نے مزید کہا کہ جہاں علاقہ بھروٹ۔منگوٹہ۔درہ۔ڈنہ۔ڈھوک۔منہال۔عظمت آباد۔بھنگائی۔شاہدرہ۔راجدھانی۔کالس۔الال۔مجہور وغیرہ کی بیشتر پنچائیتیں سڑک رابطہ سے محروم ہیں اور جہاں مریضوں کو پیدل چلنے کی تکالیف برداشت کرنی پڑتی ہیں وہاں دوران بیماری یا ایمرجنسی میں حاملہ خواتین۔بزرگوں و معصوم بچوں کیلئے پہلے درجنوں میل کا پیدل سفر اور پھر تھنہ منڈی سے راجوری و جموں کا سفر نہائیت ہی قیامت خیز ہو جاتا ہے۔میر نے گور نر انتظامیہ سے مانگ کی کے وہ علاقہ کی معائشی حالت اور پسماندگی و دور افتادہ پن کو مد نظر رکھتے ہوئے اور مغل شاہراہ و زیارت شاہدرہ شریف میں روزانہ ہزاروں زائیرین کو دیکھتے ہوئے تھنہ منڈی ہسپتال کو سب ضلع ہسپتال اور ساتھ میں ایک ایمرجنسی ٹراما ہسپتال بھی تعمیر کروائے تاکہ غریب عوام کو راحت بخشی جا سکیاور مزید امید جتائی کے جہاں تھنہ منڈی کے ساتھ ہمیشہ سے سوتیلا سلوک ہوتا رہا ہے مگر موجودہ لفٹنٹ گورنر کی جانب سے جہاں ریاست بھر میں عوامی مفاد کے کام ہو رہے ہیں انھے امید ھے کے تھنہ منڈی کی عوام کی خاطر گورنر موصوف جلد از جلد سب ضلع ہسپتال کا حکم کر کے عوام کو شکریہ کا موقع بخشے گے
