لوگوں کی مشکلات اور پریشانیوں کو کم کرناانتظامیہ کی اخلاقی اور بنیادی ذمہ داری :سروڑی
مشتاق احمد دیو
کشتواڑ؍؍اس سابقہ ایم ایل اے ، جی ایم سروڑی کی سربراہی میں حلقہ اندوروال کے ایک وفد نے ضلعی ترقیاتی کمشنر (ڈی ڈی سی) ، کشتواڑ ، انگریز سنگھ رانا سے ایک اہم ملاقات کی اورمطالبہ کیا کہ کشتواڑ ضلع میں شدید برف باری کے بعد کے پیداشدہ حالات کو قابو کرنے کے لئے تمام سرکاری وسائل کو متحرک کیاجائے اورشدید برف باری سے متاثرہ لوگوں کو امداد فراہم کرنے کے لئے انتظامیہ کو تیار رہنا چاہئے۔ سروڑی نے کہا کہ انتظامیہ کی اخلاقی اور بنیادی ذمہ داری ہے کہ وہ لوگوں کی مشکلات اور پریشانیوں کو کم کرے۔سروڑی کیساتھ وفد میں شامل اہم اشخاص میںعلی محمد نائک ، شبیر احمد لون ، محمد رفیق شاہ ، نریش کمار ، سومناتھ ، ذاکر حسین کین ، وسیم سجاد ، عبد القیوم گگرو ، محمد شفیع ، الطاف احمد ، چوہدری محمد یوسف ، مسرت احمد دیو ، منظور احمد شاہ ،جاوید احمد زرگر ، محمد سروّر ، چوہدری منیر احمد ، جاوید احمد کین ، محمد حنیف اور دیگر بہت سے لوگ شامل ہیں جنہوں نے ڈی ڈی سی کشتواڑ سے ملاقات کی اور انہیں حلقہ اندوروال کے عوام کی حقیقی امنگوں سے آگاہکیا۔انہوں نے ڈی سی کشتواڑ سے مطالبہ کیا کہ وہ جموں وکشمیر کی حکومت کے پاس ان کے ذریعہ اٹھائے گئے امور اور معاملات اٹھائیں تاکہ حکومت کی طرف سے وقتاً فوقتاًان سے جو وعدہ کیا گیا تھا اس کو پورا کیا جاسکے۔انتظامیہ کیساتھ وفد کے ذریعے اٹھائے گئے مختلف امور میں راشن کارڈ ہولڈر کو الاٹ کیے گئے کوٹے کے مطابق راشن کی فراہمی،، تمام رابطہ اور اہم سڑکوں پر برف ہٹانے کے علاوہ تمام بنیادی سہولیات کی بحالی ، تمام منظور شدہ پی ایم اے وائی معاملات کی فہرست کو تمام پنچایت میں دکھایا جانا چاہئے تاکہ منظورِ نظرافراد کومنتخب نہ کیاجائے اورمستحقین کو حق ملے۔ گولڈن کارڈ کی فراہمی کے لئے باقی رہ جانے والے لوگوں کے اندراج کے لئے اقدامات اٹھائے جائیں ، سروے راشن کارڈ پر مبنی ہونا چاہئے ، غیر بجلی والے دیہات کو بجلی فراہم کرنے کی مانگ کی گئی،جس کیلئے شیلاکھاکمپنی کو کام الاٹ کیا گیا ہے ، جو بلاک دراشلہ اور ٹھاکرائی میں جل جیون مشن پروگرام کے تحت ڈی پی آر اور نقشہ کی تیاری مکمل کی جائے اور جل جیون مشن پروگرام کے تحت تمام باقی ماندہ گھرانوں کو پینے کے پانی کی سہولت مہیا کرائی جائے ، اس کے علاوہ IAY کی زیر التوا قساط کو بھی کلیئرکرنے کا مطالبہ کیا۔ سال 2015-16 ، 2016-17 اور 2017-18 کے لئے غیر ہنر مند منریگا ذمہ داری اداکی جائیں۔اس کے علاوہ تین اہم اسٹیل پلوں کی تعمیر جو شاریکھ نالا،اودھیل ، دریائے چھاترو اورمغل میدان میں پی ایم جی ایس وائی سیکٹر کے تحت زیر التواء ہیں،اراضی کا معاوضہ ، تتانی شوروتی روڈ کی تعمیر کا جلد آغاز جس سے تقریبا 5000 آبادی کو فائدہ ہوگا اور سال 2016 میں نبارڈ کے تحت منظور شدہ اور عوام سے متعلق دیگر امور زیر بحث آئے۔انہوں نے اس سلسلے میں ڈی سی کشتواڑ کو مختلف عوامی مسائل کو اجاگر کرتے ہوئے میمورنڈم بھی پیش کیا۔ڈی ڈی سی کشتواڑ نے ملاقات کے دوران پیش کئے گئے امور اور مطالبات کی سماعت کی اور وفد کو یقین دلایا کہ ان کے تمام حقیقی معاملات کو ترجیحی بنیادوں پر غور کیا جائے گا۔ انہوں نے گورننس کو لوگوں کی دہلیز تک لے جانے میں انتظامیہ کے عزم کا اعادہ کیا۔انہوں نے انہیں یہ بھی یقین دلایا کہ انتظامیہ فلاحی منصوبوں اور حکومت کے شروع کردہ پروگراموں کے فوائد مستحق اور مطلوبہ مستحقین تک پہنچنے کو یقینی بنانے کے لئے مختلف اقدامات کررہی ہے۔ انہوں نے مسٹر سروڑی سے عوامی فلاح و بہبود کے فروغ کے لئے کام جاری رکھنے کی بھی تاکید کی۔
