تربیت کا مقصد مقامی خواتین کو بااختیار بنانا اور انہیں ہنر مند ملازمتوں میں موثر بنانا ہے
ونود شرما
لام ، نوشہرہ؍؍؍؍سرحدی علاقے کی مقامی خواتین کو بااختیار بنانے اور مہارت کی تربیت فراہم کرنے کے لئے ، بھارتی فوج کی راشٹریہ رائفلز بٹالین نے راجوری ضلع لام میں موجودہ خواتین کو با اختیار بنانے کے نوڈ میں ایک اور کلاس روم کا اضافہ کیا ہے۔ اس نوڈ نے مقامی خواتین کو کڑھائی ؍کٹائی اور سلائی کی تربیت دی ہے اور اس کے بعد مختلف سرکاری اسکیموں کے ذریعہ خود روزگار کے حصول میں مدد فراہم کرے گی۔ لیڈی ٹرینرز کو 17 اگست 2019 سے 05 جنوری 2020 ء تک پانچ ماہ کی مدت تک خواتین ٹرینیوں کی تربیت کے لئے رکھا گیا تھا۔ گذشتہ سال اسی نوڈ میں 36 مقامی خواتین کو کامیابی کے ساتھ ٹریننگ دی گئی تھی اور انہوں نے اپنے اپنے دیہات میں اپنی ٹیلرنگ شاپس کھول رکھی ہیں۔ رواں سال معاشی طور پر ناقص پس منظر سے تعلق رکھنے والی سرحدی خطے سے تعلق رکھنے والی مزید 40 خواتین کو کاٹنے اور سلائی کی تربیت دی گئی ہے۔ اس تربیت کا مقصد مقامی خواتین کو بااختیار بنانا اور انہیں ہنر مند ملازمتوں میں موثر بنانا ، خود انحصار کرنا اور خود مختار زندگی گزارنے کے لئے اعتماد حاصل کرنا تھا۔ اس موقع پر لام کے سرپنچ نے خطاب کرتے ہوئے کہا کہ فوج کی جانب سے بالخصوص مقامی خواتین اور نوجوانوں کے بااختیار بنانے کے لئے اٹھائے گئے مختلف اقدامات خطے کی مجموعی ترقی میں معاون ثابت ہوں گے۔
