نئی دہلی؍؍ماسٹر بلاسٹر سچن تندولکر نے 2020 کی شروعات معذور بچے کا جذباتی ویڈیو شیئر کرنے کے ساتھ کیا اور ساتھ ہی اپنے مداحوں سے بھی اسے دیکھ کر تحریک لینے کے لئے زور دیا ہے ۔سچن نے سوشل میڈیا پر ایک ویڈیو شیئرکیا ہے جس میں ایک معذور بچہ، بغیر پاؤں کے وکٹ کے بیچ میں تیزی سے رن لیتا ہے ۔ بچوں کے اس ویڈیو کو نئے سال پر شیئر کرکے ماسٹر بلاسٹر نے لکھا، "اپنے 2020 کی شروعات اس متاثر کن ویڈیو سے کیجئے جس میں یہ بچہ مادا رام اپنے دوستوں کے ساتھ کرکٹ کھیل رہا ہے ۔ اس نے میرے دل کو پگھلا دیا اور امید ہے کہ اس ویڈیو سے آپ کا دل بھی پگھلا ہوگا۔ "سابق ہندوستانی کھلاڑی کے ذریعہ اس ویڈیو کو شیئر کرنے کے بعد ہی سوشل میڈیا پر مداحوں نے اس پر بہت جذباتی تبصرے بھی کیے ہیں۔اس ویڈیو میں دیکھا جا سکتا ہے کہ ایک بچہ جس کی دونوں ٹانگیں نہیں ہے گیند کو ہٹ کر تا ہے اور پھر گھسیٹے ہوئے وکٹ کے بیچ میں تیزی سے رن لیتا ہے ۔ وہ اس کے بعد نئے بلے باز کو بیٹ تھما دیتا ہے ۔
