اسامہ عاقل حافظ عصمت اللہ ،مدہوبنی ،بہار 9534677175
بہت پچھتا رہاہوں تیرا کہنا کر لیا میں نے
کسی کے ہجر میں جینا گوارا کر لیا میں نے
نیازِ عشق کو صورت نہ جب کوئی نظر آئی
جنونِ بندگی میں خود کو سجدہ کرلیا میں نے
بڑی دولت ہے حق کے نام پر دولت لٹا دینا
جہاں میں پھونک کر چاندی کو سونا کر لیا میں نے
تماشہ دیکھتے ہی دیکھتے ان کی اداؤں کا
سرِ محفل خود اپنے کو تماشہ کر لیا میں نے
بربادِ وفا تو ہو گئی چاہت میں اے عاقل
بْرا کیا ہے کہ اپنے حق میں اچھا کر لیا میں نے
