لازوال ڈیسک
سانبہ// "نشا مکت بھارت ابھیان” اور "ووٹنگ بیداری مہم” کے بینر تلے منعقد تین روزہ انٹرا کالج اسپورٹس میٹ آج یہاں گورنمنٹ ڈگری کالج وجئے پور میں اختتام پذیر ہوا۔
وہیں اس اسپورٹس ایونٹ کا انعقاد کالج کی پرنسپل پروفیسر (ڈاکٹر) وندنا گپتا کی نگرانی اور رہنمائی میں کیا گیا۔
جبکہ انٹرا کالج کھیلوں کے مقابلے شطرنج، والی بال اور کیرم بورڈ کے میچوں سے شروع ہوئے۔ شطرنج کے مقابلوں میں مردوں کی آٹھ اور خواتین کی چار ٹیموں نے حصہ لیا۔ جبکہ کیرم بورڈ ٹورنمنٹ میں چھ ٹیمیں اور والی بال میں تین ٹیمیں شامل تھیں۔ مین کیرم چیمپئن شپ کے فاتح امجد حسین اور بی ایس سی سمسٹر دوئم کے اویجیت کمار تھے جبکہ بی اے سمسٹر دوئم کے رنجیت کور اور پلک پنوترا نے خواتین کی کیرم چیمپئن شپ جیتی۔
وہیں شطرنج کا مقابلہ بی اے سمسٹر دوئم کی انشیتا شرما اور بی کام سمسٹر کے منجیت سنگھ نے جیتا۔ اسی طرح والی بال مقابلے کے فاتح کالج کے سمسٹر 6 کے طلباء تھے۔وہیںمقابلے کے آخر میں تمام شرکاء کو ریفریشمنٹ اور اسناد بھی پیش کی گئیں جبکہ جیتنے والوں کو ٹرافیاں بھی دی گئیں۔
