125کروڑ کے پاس آدھار
یواین آئی
نئی دہلی؍؍ملک میں آدھار کارڈ ہولڈروں کی تعداد 125کروڑ کے پار پہنچ گئی ہے ۔یونک آڈینٹی فیکیشن اتھارٹی آف انڈیا (یو آئی ڈی اے آئی)نے جمعہ کو بتایا کہ آدھار منصوبہ کے تحت 125 کروڑ لوگوں نے آدھار کارڈبنائے ہیں، جو ایک بہت بڑی کامیابی ہے ۔ ملک کے 125 کروڑ سے زیادہ لوگوں کے پاس ان کی 12 اعداد کی خصوصی شناختی کارڈ ہے ۔الیکٹرونکس اینڈ اطلاعاتی تکنالوجی کی وزارت نے بتایا کہ یہ کامیابی آدھار ہولڈروں کے ذریعہ بنیادی شناخت دستاویز کے طور پر آدھار کے تیزی سے بڑھتے ہوئے استعمال کی وجہ سے حاصل ہو ئی ہے ۔ اس نے بتایا کہ آدھار پر مبنی رجسٹرڈ خدمات کی ابتدا سے ابتک تقریبا 37000 کروڑ روپے خرچ ہوچکے ہیں۔ موجودہ وقت میں یو آئی ڈی اے آئی کو فی دن تقریبا تین کروڑتوثیق کی درخواست موصول ہورہی ہیں۔اس کے علاوہ یو آئی ڈی اے آئی نے اب تک تقریبا 331 کروڑ کامیاب آدھار اپڈیٹ (بائیو میٹرک اور ڈیموکرافک) درج کئے ہیں۔ موجودہ وقت میں یو آئی ڈی اے آئی کو روازنہ تین سے چار لاکھ آدھار اپڈیٹ درخواست موصول ہورہی ہیں۔
