’قلمکار:وائٹرزگروپ‘کے زیراہتمام اودھمپورمیں کثیرالجہتی مشاعرہ محفلِ مشاعرہ
لازوال ڈیسک
ادھم پور؍؍نئے سال 2020 کو خیرمقدم کرنے اور 2019 کو الوداع کہنے کے لئے ہونے والی تقریبات کے سلسلے میں ، ’’قلمکار: رائٹرز گروپ‘‘ادھم پور کے ذریعہ آج یہاں ہوٹل تانشق ایک کثیرلثانی مشاعرہ کا انعقاد کیا گیا ، جہاں شعراء میں اور ادھم پور ، جموں ، کٹھوعہ ، لکھنؤ اور علی گڑھ (یوپی) کے شعرانے شرکت کی اور ہندی ، اردو ، ڈوگری اور پنجابی زبان میں اپنی شاعری سنائی۔ ساہتیہ اکیڈمی ایوارڈ یافتہ ایس۔ پرکاش پریمی نے تقریب کی صدارت کی ، جبکہ بحیثیت چیف نرمل ونود ، شیور نرموہی ، ڈاکٹر آدرش پرکاش اور بلراج بخشی مہمان خصوصی تھے۔اس موقع پر خطاب کرتے ہوئے مقررین نے زبان و ادب کی ترقی کے لئے ایسے پروگراموں کے انعقاد اور لوگوں سے لوگوں کے رابطوں میں مدد کرنے کی اہمیت پر روشنی ڈالی۔ انہوں نے "قلمکار: رائٹرز گروپ” خاص طور پر اس کے صدر انو اتری ‘یاد’ اور جنرل سکریٹری ورون ویر کی کاوشوں کو سراہا اور خواہش ظاہر کی کہ زبانوں اور ادب کی ترقی کے لئے ان کی کاوشیں مستقبل میں بھی جاری رہیں گی۔کثیرالجہتی مشاعرہ میں اپنی شاعری سنانے والوں میں جیا لال جیا ، جگدیپ دبے ، پیاسا انجم ، شیخ محمد ،کلیان ، عرفان عارف ، جہانگیر روِش ، ارونا شرما ، دیپ شیکھا ، دیویندر ٹھاکر ، ڈاکٹر محمد مجید ، نیلو تھاپا ، رسل سنگھ ، سوراو کمار ، بابلی ورما ، جیوتی ڈوگرہ ، رخشا ٹھاکور ، دھیرج کھنہ ، ہرجیت سنگھ ، راجندر پردیسی ، انو اتری ‘یاد’ اور ورون ویرشامل ہیں۔
