نئی دہلی؍؍وزیراعظم نریندرمودی نے سات ریاستوں کے 8350سے زیادہ گرام پنچایتوں کے زمین کے پانی کو درست کرنے والے اٹل بھوجل پروجیکٹ کا بدھ کو یہاں آغاز کیا۔مسٹر مودی نے دارالحکومت کے وگئاب بھون میں منعقد پروگرام کے دوران اس منصوبے کی شروعات کرتے ہوئے کہا کہ اٹل بھوجل پروجیکٹ سے مہاراشٹر ،کرناٹک،مدھیہ پردیش،اترپردیش،ہریانہ،راجستھان اور گجرات کو زمین سے پانی اٹھانے میں بہت مدد ملے گی۔ان سات ریاستوں کے 78ضلعوں میں 8350سے زیادہ گرام پنچایتوں میں زمین کے پانی کی حالت میں بہتری ہوگی۔مسٹر مودی نے کہا کہ پنچایتوں میں زمین کے پانی کی حالت بہت ہی تشویش ناک ہے ۔اس کا بہت بڑا خمیازہ وہاں کے لوگوں بھگتنا پڑرہا ہے ۔لوگوں کو ان دقتوں سے آزادی ملے ،آبی سطح میں بہتری ہو اس کے لئے ہمیں بیداری مہم چلانی ہوگی۔انہوں نے کہا کہ اس سے واجپئی جی کا خواب پورا ہوا۔پانی کا مسئلہ اٹل جی کے دل کے کافی قریب تھا۔پانی کا بحران سبھی کے لئے بے حد تشویش ناک موضوع ہے ۔
