کہا370ہمیں وراثت میں ملاہوابڑامسئلہ تھا،ختم کردیا
یواین آئی
لکھنؤ؍؍اترپردیش کی راجدھانی لکھنؤ میں سابق وزیراعظم اٹل بہاری واجپئی کی مورتی کی نقاب کشائی اوراٹل میڈیکل یونیورسٹی کا سنگ بنیاد رکھنے کے بعد کہا کہ سے ہمیں لگاتا چیلنجز مل رہے ہیں اور ہم نے چیلنجز کو چیلنج دینے کا عزم مصمم کررکھا ہے ۔ہم نئے سال میں بھی اسی یقین کے ساتھ داخل ہورہے ہیں۔یوپی لوک بھون میں سابق وزیراعظم کی 25 فٹ اونچی مورتی کی نقاب کشائی کرنے کے بعد وزیر اعظم نے پروگرام سے خطاب کرتے ہوئے کہا کہ سابق وزیر اعظم کی کانسے کی یہ مورتی ہمیں ان کے نظریات اور اقدار کی ہمیشہ یاد دلائے گا۔ آنجہانی کو خراج عقیدت پیش کرتے ہوئے مودی نے کہا کہ سابق وزیر اعظم کہا کرتے تھے کہ ہم زندگی کو ٹکڑوں میں نہیں دیکھ سکتے ہمیں اسے مجموعی طورپر دیکھنا ہوگا۔وزیر اعظم نے کہا کہ مستقبل میں ہمارا تجزریہ دو نکات پر ہوگا۔ ایک یہ کہ وراثت میں ملے مسائل کو ہم نے کیسے حل کیا اور ملک کی ترقی کی کوششوں میں ہم نے کتنی مضبوط بنیادرکھی ہے ۔ ہمیں اپنے حقوق اور ذمہ داریوں دونوں کو ایک ساتھ یاد رکھنا چاہئے ۔انہوں نے کہا کہ بنیادی سہولیتا ت کی دستیابی جہاں ہمارا حق ہے تووہیں اس کا تحفظ ہماری ذمہ داری ہے ۔انہوں نے کہا کہ 2014آرٹیکل 370 کو وراثت میں ملا بڑا مسئلہ قرار دیتے ہوئے مودی نے کہا کہ ہم نے کشمیر سے 370ہٹایا اور کافی اچھے طریقے سے اٹھایا۔انہوں نے شہریت(ترمیمی) قانون پر بولتے ہوئے کہا کہ جن لوگوں کو لمبے عرصے سے ہندوستان کی شہریت نہیں ملی تھی اور وہ کافی پریشان تھے ہم نے ان کو شہریت دینے کا کام کیا ہے ۔اپنے خطاب میں آیوش مان بھارت اسکیم کا خصوصی تذکرہ کرتے ہوئے وزیر اعظم نے اسے دنیا کی سب سے بڑی اسکیم قرار دیا۔ انہوں نے کہا کہ اس اسکیم سے اس وقت 70 لاکھ افراد مستفید ہوچکے ہیں۔ ابھی تک غریبوں کو جب مہلک بیماری لاحق ہوتی تھی تو وہ موت کا انتظار کرنا زیادہ بہتر سمجھتے تھے کیونکہ وہ اپنے کنبے کو قرض کے بوجھ تلے دبانا نہیں چاہتے تھے ۔ لیکن آیوش مان اسکیم سے انہیں نئی زندگی ملی ہے ۔ اسکیم کے تعلق سے یوپی حکومت کی سنجیدگی اور بہتر طریقے سے عمل آوری کے لئے تعریف کرتے ہوئے انہوں نے کہا کہ صرف یوپی میں اب تک تقریبا 11 لاکھ افراد اس اسکیم سے مستفید ہوچکے ہیں۔انہوں نے کہا کہ گذشتہ پانچ سالوںمیں بڑی تعداد میں میڈیکل سیٹوں میں اضافہ کیا گیا ہے اور تقریبا 75 نئے میڈیکل کالجوں کو منظوری دی گئی ہے ۔ساتھ ہی انہوں نے اپنی حکومت کی کئی حصولیابیوں پر تفصیل سے روشنی ڈالی۔انہوں نے کہا کہ ملک میں بہتر طبی سہولیات فراہم کرنے کے لئے پریوینٹیو ہیلتھ کیئر پر کام کرنا حکومت کا روڈ میپ ہے ۔ہر شہری کو بہتر سے بہتر طبی سہولیات فراہم کرنے کے مقصد سے اس شعبے کے لئے ضروری ہراقدام حکومت کررہی ہے ۔وزیراعظم نے کہا کہ ہماری حکومت کے لئے بہتری حکمرانی کا مطلب ہے کہ شنوائی سب کی ہو،سہولت ہر شہری تک پہنچے ،موقع ہر ہندوستانی کو ملے ،ہر شہری کو سیکورٹی کا احساس ہو۔اترپردیش میں شہریت(ترمیمی)قانون کے خلاف ہونے والے احتجاج میں میں تشدد پھوٹ پڑنے کا خصوصی کا تذکرہ کرتے ہوئے مودی نے کہا کہ احتجاج کے دوران تشدد پر آمادہ افراد کو سوچنا چاہئے کہ کیا ان کا یہ طریقہ صحیح ہے ۔انہوں نے کہا کہ میں ان مظاہرین سے امن وامان کو قائم رکھنے کی اپیل کی انہوں کہ اگر اچھی سڑکیں،سہولیات اور صاف سیوریج نظام کا ایک شہری کا حق ہے تو انہیں صحیح ڈھنگ سے رکھنا ان کی ذمہ داری ہے ۔ہم اپنی ذمہ داری کا اظہار کریں۔اپنے مقاصد کو حاصل کریں ،یہ بہتر حکمرانی کے دن پر ہمارا عزم ہونا چاہئے ۔ یہ عوام کی توقعات ہیں اوریہی اٹل کی بھی سوچ تھی۔انہوں نے کہا کہ آج دہلی میں ‘اٹل بھو جل یوجنا’ کا افتتاح کیا گیا ہے ۔ چھ ہزار روپئے کروڑ کے اس پروجکٹ کے تحت اترپردیش سمیت ملک کے سات ریاستوںمیں زیر زمین آبی سطح میں بہتری کے لئے کام کیا جائے گا۔اس سے قبل لوک بھون میں وزیر اعظم نریندر مودی کا استقبال کرتے ہوئے لکھنؤ کے رکن پارلیمان و وزیر دفاع راجناتھ سنگھ نے کہا کہ میں اپنے آپ کو خوش قسمت مانتا ہوں کہ جہاں سے اٹل جی منتخب ہوکر پارلیمنٹ پہنچے تھے مجھے اس حلقے میں کام کرنے کا موقع ملا ہے ۔اٹل جی سے منسلک یادگاریں آج بھی ہمارے دلوں میں زندہ ہیں۔ لوک بھون پہنچے وزیر اعظم نریندر مودی کا ریاست کی گورنر آنندی بین پٹیل،وزیر دفاع راجناتھ سنگھ ،وزیر اعلی یوگی آدتیہ ناتھ ،اسمبلی اسپیکر ہردے نارائن دکشت،نائب وزیر اعلی کیشوپرساد موریہ و دنیش شرما نے استقبال کیا۔
