یو این آئی
نئی دہلی؍؍ افغانستان کے صدر اشرف غنی نے منگل کے روز کہاکہ ہندوستان کے وزیر اعظم نریندر مودی کے ساتھ ان کی ٹیلی فون پربات چیت ہوئی اور انہیں جلد ہی ہندوستان آنے کی دعوت دی ۔ مسٹر غنی نے سلسلہ وار ٹویٹ کر کے کہا‘‘ مسٹر مودی نے کہا کہ ہندوستان آپ کا دوسرا گھر ہے ، ہم اس دورے کے دوران علاقائی اور بین الاقوامی مسائل پر تبادلہ خیال کریں گے ۔ میں نے دعوت کے لئے وزیراعظم کا شکریہ کیا اورمیں مناسب وقت پر ہندوستان کے دورے پر جاؤں گا ۔ انہوں نے کہاکہ میرے عزیز دوست اور ہندوستان کے وزیر اعظم نریندر مودی نے آج سہ فون کرکے صدارتی انتخابات کے ابتدائی نتائج میں میری کامیابی پر مجھے اور کامیاب صدارتی انتخابات کے لئے عوام کو مبارکباد دی’’۔بات چیت کے دوران مسٹر مودی نے مسٹر غنی سے کہا کہ ‘‘ ایک دوست، ہمسایہ اور دنیا کی سب سے بڑی جمہوریت کے طور پر ہندوستان پوری طرح افغانستان کی جمہوری حکومت کی مکمل طور پر حمایت کر رہا ہے ۔ ہندوستان قیام امن عمل کے لئے افغانستان کی تمام کوششوں کی حمایت کرتا ہے اور ہم دہشت گردی کے خلاف لڑائی میں بھی افغانستان ساتھ ہیں ‘‘۔
