یہ لوگوں کی فتح ہے،سیکولرطاقتوں کی جیت ہے

بھاجپاکے فرقہ وارانہ ایجنڈے کومستردکرنے پرجھاڑکھنڈکے عوام کو مبارک باد:سروڑی
لازوال ڈیسک

مغل میدان(کشتواڑ)؍؍جھاڑکھنڈکے عوام کوبھاجپاکے فرقہ وارانہ ایجنڈے کومستردکرنے اور ملک میں سیکولرقوتوں کومضبوط کرنے کیلئے جھاڑکھنڈکے عوام کو مبارک بادپیش کرتے ہوئے پردیش کانگریس کمیٹی کے نائب صدر غلام محمد سروڑی نے آج کہاکہ حالیہ اسمبلی انتخابات میں ملکی عوام نے ایک مرتبہ پھرواضح کردیاکہ وہ تقسیم وتفریق کی سیاست کومستردکرتے ہیں اور کھوکھلے اوربڑے نعروں میں نہیں بلکہ کام کرنے والوں کوپہچانتے ہیں، یہی وجہ ہے کہ بھاجپاجوگذشتہ پھرملک کے71فیصدحصے پراقتدارمیں تھی آج سکڑکراسکانصف ہوچکی ہے،اوریہ سلسلہ آئندہ ہونے والے اسمبلی انتخابات میں مزیدرفتار پکڑیگا۔سیکولر طاقتوں کو مضبوط بنانے پر جھارکھنڈ کے عوام کا شکریہ ادا کرتے ہوئے جی ایم سروڑی نے کہا ہے کہ لوگوں نے بی جے پی اتحاد کے فرقہ وارانہ ایجنڈے کو مسترد کردیا ، جو ملک کی بگڑتی ہوئی صورتحال کے لئے ذمہ دار ہے۔جھارکھنڈ اسمبلی کے انتخابی نتائج پر تبصرہ کرتے ہوئے ضلع کشتواڑ کے مغل میدان علاقے میں کارکنوں کی میٹنگ سے خطاب کرتے ہوئے ، سروڑی نے اس کو سیکولر اور یکجا قوتوں کی فتح قرار دیا اورکہا’’کیوں کہ حکمران جماعت (بی جے پی) ان کے گھناؤنے سیاسی انجام کو پورا کرنے کے لئے ملک میں فرقہ وارانہ ایجنڈے کو نافذ کرنے کے لئے پرعزم ہے ،یہاں تک کہ بی جے پی کی جانب سے بھی ووٹوں کے حصول کی خاطر علاقائی خطوط پر لوگوں کو تقسیم کرنے کی سنجیدہ کوششیں کی گئیں ، لیکن آج لوگوں نے فرقہ وارانہ اور فاشسٹ قوتوں کو واضح پیغام دیا ہے کہ وہ اپنے فرقہ وارانہ ایجنڈے کو مزید عملی شکل دینے میں کامیاب نہیں ہوں گے ، وہ عوام کے ہاتھوں بری طرح شکست کھائیں گے ‘‘۔بی جے پی کی شکست کو بیان کرتے ہوئے سروڑی نے کہا کہ لوگ بی جے پی سے خوفزدہ ہیں ، جو نہ صرف شمال مشرقی ریاست یا جموں و کشمیر میں ، بلکہ پورے ملک میں لوگوں میں بے چینی کا ذمہ دار ہے ، انہوں نے طاقتور کو شکست دینے پر عوام کو مبارکباد پیش کی۔ لوگوں نے اسمبلی انتخابات میں سیکولر قوتوں کے حق میں اپنے حق رائے دہی کا استعمال کیاجو لوگوں کی جیت ہے۔جے کے پی سی سی کے نائب صدر سروڑی نے کہا کہ یہ عوام کا فیصلہ اور اس ملک کے لوگوں کی فتح ہے۔ بھاجپانے جمہوریت کی فتح اور ناانصافیوں ، مظالم ، اداروں کی تباہی ، ایجنسیوں کا ناجائز استعمال ، غریب عوام ، کسانوں ، نوجوانوں ، دلتوں ، ایس سی ، ایس ٹی ، او بی سی ، اقلیتوں اور عام ذاتوں کے لئے کوئی کام نہیں کیا۔یہاں مغل میداں میں منعقدہ تقریب میںشرکت کرنے والے اہم لیڈران میں علی محمد نائک ، غلام نبی میر ، شبیر احمد لون ، محمد رفیع ، محمد یوسف ، چوہدری بشیر احمد ، چوہدری حلیم ، امرچند ، دھنی چند ، بشیر احمد ، محمد رفیق ، مہراج الدین ،پیارے لال ، مجید خان ، عبد اللہ ،حمید بھاوانی ، غلام محمد ، قاسم دین ،راج کمار ، نذیر احمد شامل ہیں۔اس کے علاوہ لوگوں کی بھاری بھیڑاس اجتماع میں اُمنڈآئی تھی جن سے سروڑی نے خطاب کیا۔