نئی دہلی، (یو این آئی ) ہندوستانی ٹیم وشاکھاپٹنم میں زبردست جیت سے ویسٹ انڈیز کے خلاف تین میچوں کی سیریز میں 1-1 کی برابری حاصل کر چکی ہے اور اتوار کو جب وہ مہمان ٹیم کے خلاف کٹک کے بارابتي اسٹیڈیم میں ہونے والے تیسرے اور آخری ون ڈے میں اترے گی تو اسے سنڈے کے تعطل سے نجات حاصل کرنی ہوگی۔ ہندستان کے لیے اس سال اتوار (سنڈے ) بہت خوشگوار نہیں رہا ہے اور اسے اس دن کھیلے گئے زیادہ تر میچوں میں شکست کا سامنا کرنا پڑا ہے ۔ اس ون ڈے سیریز کا پہلا میچ چنئی میں اتوار کو ہی کھیلا گیا تھا جس میں ہندستانی ٹیم کو آٹھ وکٹ کی شرمناک شکست ملی تھی۔ سیریز کا فیصلہ کن میچ اتوار کو ہی ہونے جا رہا ہے اور سریز جیتنے کے لئے ہندستانی ٹیم کو سنڈے کے تعطل کو پیچھے چھوڑ نا ہو گا۔ ہندستان نے اس سال 27 ون ڈے کھیلے ہیں جس میں سے اس نے تین ون ڈے میچ سنڈے کو گنوائے ہیں۔ ہندوستان کو اس سال 10 مارچ کو موہالی میں آسٹریلیا کے خلاف اتوار کو چار وکٹ سے شکست کا سامنا کرنا پڑا تھا۔ ہندستان کو اس کے بعد انگلینڈ میں ہوئے ورلڈ کپ کے دوران 30 جون کو انگلینڈ کے خلاف برمنگھم میں اتوار کو ہوئے مقابلے میں 31 رنز سے شکست کھانی پڑی تھی۔ اس کے بعد ہندستان کو 15 دسمبر کو چنئی میں ویسٹ انڈیز کے خلاف اتوار کو ہوئے مقابلے میں آٹھ وکٹ سے شکست کا سامنا کرنا پڑا تھا۔ اگرچہ ہندستان نے 18 دسمبر کو بدھ کے دن وشاکھاپٹنم میں اوپنروں روہت شرما اور لوکیش راہل کی سنچریوں اور کلدیپ یادو کی ہیٹ ٹرک سے شاندار جیت حاصل کر سیریز میں برابری کر لی ہے ۔ ابھی سیریز کا فیصلہ کن میچ اتوار کو کٹک میں کھیلا جائے گا۔ اس سال کے ٹی -20 میچوں کو دیکھا جائے تو ہندستان نے 16 ٹی -20 مقابلے کھیلے ہیں جن میں سے اس نے پانچ میچ اتوار کو گنوائے ہیں۔ ہندستان کو 8 فروری کو نیوزی لینڈ سے ہیملٹن میں اتوار کو ہوئے مقابلے میں چار رن سے شکست ملی تھی۔ اس کے بعد ہندستان 24 فروری کو اتوار کے ہی دن آسٹریلیا سے وشاکھاپٹنم میں تین وکٹ سے ہار گیا۔ ہندستان کو جنوبی افریقہ کے خلاف گھریلو سیریز میں 22 ستمبر کو اتوار کو ہوئے مقابلے میں بنگلور میں نو وکٹ سے شکست کا سامنا کرنا پڑا تھا۔ بنگلہ دیش کے خلاف گھریلو سیریز میں تین نومبر کو دہلی میں اتوار کو ہوئے مقابلے میں ٹیم انڈیا کو سات وکٹ سے شکست ملی۔ ویسٹ انڈیز نے آٹھ دسمبر اتوار کو تھرو اننت پورم میں ٹیم انڈیا کو آٹھ وکٹ سے شکست دی۔ٹی -20 میں ہندستان کو اس سال سات میچوں میں شکست ملی ہے جن میں سے پانچ میچوں میں شکست اتوار کو ہی آئی ہے ۔ ہندوستان کو ویسٹ انڈیز سے ون ڈے سریز جیتنے کے لئے کٹک میں اتوار کو پورا زور لگانا ہوگا۔
