کہاملک میں آگ لگانے کا کام وزیر داخلہ کا نہیں ہوتا
یواین آئی
کلکتہ ؍؍شہریت ترمیمی ایکٹ اور این آر سی کے خلاف وزیر اعلیٰ ممتابنرجی نے تیسرے دن بھی ایک بڑے جلوس کی قیادت کرتے ہوئے وزیر اعلیٰ ممتا بنرجی نے مرکزی وزیر داخلہ امیت شاہ سے کہا ہے کہ آپ ملک کے وزیر داخلہ ہیں، صرف بی جے پی لیڈر نہیں ہے ، اس لئے ملک میں امن وامان کے قیام کیلئے کوشش کریں۔ممتا بنرجی نے کہا کہ ملک میں آگ لگانے کا کام وزیر داخلہ کا نہیں ہوتا ہے بلکہ وزیر داخلہ کی حیثیت سے ان کی ذمہ داری ہے کہ اس بات کو یقینی بنائے ملک میں امن و امان کی فضا قائم رہے ۔ممتا بنرجی نے کہا کہ امیت شاہ ابھی بھی بی جے پی لیڈر کے طور پر کام کررہے ہیں۔ممتا بنرجی نے بی جے پی واشنگ مشین بن گئی ہے ۔داغدار لوگ ان کی پارٹی میں شامل ہونے کے بعد پاک صاف ہوجاتے ہیں۔ممتابنرجی نے کہا کہ بنگال میں احتجاج کے دوران تشدد کے معمولی واقعات رونما ہوئے ہیں مگر اس کو بنیاد بناکر ریلوے سروس کو روک دیا گیا ہے ۔ممتا بنرجی نے امیت شاہ کو چیلنج کیا کہ بنگال میں این آر سی اور شہری ترمیمی ایکٹ کا نفاذ کرکے دکھائیں۔ممتا بنرجی نے کہا کہ بی جے پی کو پارلیمنٹ میں اکثریت حاصل ہے اس کا مطلب ہرگز نہیں ہے کہ وہ اپنا قانون ریاستوں پر نافذ کریں گے ۔وزیراعظم نریندر مودی کی سخت تنقید کرتے ہوئے ممتا بنرجی نے کہاکہ ان کا بیان افسوس ناک ہے وہ ایک خاص کمیونیٹی کی شناخت کرنے کی کوشش کررہے ہیں۔ممتا بنرجی نے کہا کہ صر ف ایک دو واقعے کی بنیاد بناکر ریاست کے عوام کو ریلوے سروس سے محروم کرنا کسی بھی صورت میں مناسب نہیں ہے ۔وزیر اعلیٰ نے کہا کہ ریلوے کی جائداد کی حفاظت کیا ریاستی حکومت کے تعاون کے بغیر کیا جاسکتا ہے ۔
