ریاض ملک
منڈی؍؍ تحصیل منڈی کے گائوں چکھڑی میں موجود زیارت شریف حضرت پیر سیداحمد شاہ پستونی رحمت اللہ علیہ پر تیس سالہ سالانہ عرس کا اہتمام کیا گیا۔ اس موقع پر تحصیل منڈی کے مختلف علاقوں سے بڑی تعداد میں زائیرین نے شرکت کی ۔ یادرہے یہ زیارت شریف منڈی سے قریب 10 کلومیٹر کی دوری پر واقع ہے۔ جہاں ہر سال بڑی عقیدت واحترام سے منایاجاتاہے۔ کل رات سے کلمات معظمات اور درودسلام کی محفل اور قران خوانی کا اہتمام کیا گیا اور اج دوسرے روز اہم پروگرام کا اہتمام کیا گیا جس میں مختلف جگہوں سے علماء کرام نے تشریف لاکر سیرت اولیاء کرام پر مفصل ومدلل روشنی ڈالی – مقرر خصوصی مفتی غلام محمد رضوی نے سیرت غوث اعظم حضرت پیران پیر سید عبدلقادر جیلانی رحمت اللہ علیہ کے حوالے سے سامعین کو مستفید کیا۔ ان کے علاوہ علماء کرام نے کہا آج ہم سب کو اولیاء کرام کی تعلیم کو اپناناچاہیے۔سچے اولیاء وہی ہیں جنہوں نے اپنی زندگیاں دین کی تابع کردیں اور دنیاسے بے رغبتی حاصل کی حضرت غوث اعظم رحمت اللہ علیہ کی بچپن کا سچائی کا واقع یہ واضع کرتاہے کہ اللہ والے ہمیشہ اللہ اور اس کے رسول کے احکام کے پابند ہوتے ہیں۔ مقرر خصوصی نے تمام لوگوں کو کہا وہ اپنی زندگیوں کو اگر دین متین کی تابع کرناچاہتے ہیں تو اپنی زندگیوں میں سیرت اولیاء کو مضبوطی سے پکڑیں – اس موقع پر انتظامیہ کمیٹی زیارت شریف نے ذرایع سے بات کرتے ہوئے کہا کہ اس بار ہمیں امید تھی کہ انتظامیہ یہ ہمیں تعاون دیے گی لیکن انتظامیہ کے صرف محکمہ پی ڈبلیو ڈی محکمہ پی ایچ ای اور محکمہ پولیس کے علاوہ کوئی کسی بھی محکمہ سے کوئی تعاون نہیں ملا بلکہ بجلی پچھلے ایک ماہ سے بند اور اج عرس کے موقع پر بھی بند رہی جو کہ افسوس ناک امر ہے۔ انہوں نے انتظامیہ کی اس عدم توجہی پر افسوس کا اظہار کرتے ہوئے تمام علماء کرام زائیریں اور دیگر چیدہ اشخاص کا شکریہ اداکیا ہے۔اس موقع پر مولانامفتی غلام محمد رضوی کے علاوہ دیگر علماء کرام سرپنچ حلقہ. وممبران جن میں غلام محمد فوجی محمد حسین محمد یاسین شاہ نیاز احمد منگرال محمد شبیر بیگ عبدالرحمان بیگ محمد لطیف حان محمد رفیق اعجاز احمد تانترے ودیگران کا شکریہ اداکیا ہے۔
