اورنگ، آباد 11 دسمبر (یواین آئی) کانگریس کے سینئر لیڈر اور سابق وزیر نسیم خان نے کہا ہے کہ شیو سینا نے کم از کم س مشترکہ پروگرام کی خلاف ورزی نہیں کی ہے، لیکن اس نے شہریت ترمیمی بل کا لوک سبھا میں حمایت کرکے بالواسطہ طور سے بھارتیہ جنتا پارٹی کی حمایت کی ہے۔
مسٹر خان نے منگل کو کہا کہ آئین کی نوعیت کے خلاف شہریت ترمیمی بل جمہوریت پر براہ راست حملہ ہے۔ انہوں نے شیو سینا پر الزام لگایا کہ اس نے لوک سبھا میں بل کی حمایت میں آنے سے پہلے کانگریس كو اعتماد میں نہیں لیا تھا۔ سابق وزیر نے اس معاملہ پر اس سے اپنا موقف واضح کرنے کو کہا۔
مہاراشٹر میں اسمبلی انتخابات کے تقریبا ایک ماہ تک چلے سیاسی ڈرامے کے بعد کانگریس، نیشنلسٹ کانگریس پارٹیوں اور شیو سینا اتحاد کی مہا وکاس اگھاڑي اتحاد کی حکومت بنی ہے۔
مہاراشٹر اور مرکز میں بی جے پی سے الگ ہونے والی شیوسینا نے لچکیلے رویے اور ’مودی حکومت کی ہندو-مسلمانوں کے درمیان پوشیدہ تقسیم کی کوشش ‘ جیسے کئی الزام لگانے کے بعد آخر میں ووٹنگ کے دوران اپنی حمایت دے دی۔
