ماسکو ، 05 دسمبر (اسپوتنک) افغانستان کے صدر اشرف غنی اور افغانستان میں قیام امن کے لئے امریکی خصوصی نمائندے زلمے خلیل زاد نے ملک میں جنگ بندی اور امن کی بحالی کے سلسلے میں تبادلہ خیال کرنے کےلئے ملاقات کی ہے ۔
افغان صدر کے دفتر نے بدھ کے روز ایک بیان میں کہا ہے کہ اس ملاقات میں دونوں فریقوں نے جنگ بندی اور ملک سے باہر طالبان کے ٹھکانوں کے مسئلے پر تبادلہ خیال کیا۔ افغانستان اور امریکہ کے صدور نے ایک حالیہ اجلاس میں اس مسئلے سے نمٹنے کے لئے مستقل امن معاہدوں کی جدوجہد پر تبادلہ خیال کیاتھا۔ مسٹر خلیل زاد 28 نومبر کو امریکی صدر ڈونلڈ ٹرمپ کے افغانستان کےغیر اعلانیہ دورے کے بعد کابل تشریف لائے ہیں۔
نومبر کے وسط میں ، مسٹر غنی نے حکومت کے حقانی دہشت گرد گروہ کے تین اراکین انس حقانی ، عبدالرشید اور حاجی مالی خان کو رہا کرنے کے اپنے ارادے کا اعلان کیا۔ اس کے بدلے میں امریکی اور آسٹریلیائی لیکچررز کو طالبان کے قبضے سے آزاد کیا گیا تھا۔ . یہ لیکچر تین سال تک یرغمال بنائے گئے تھے۔ انھیں 19 نومبر کو امریکی فوج کے حوالے کردیا گیا تھا ، اور اسی وقت ، افغان سرکاری فوج ، امریکی زیرقیادت اتحادی فوج اور طالبان عسکریت پسندوں کے مابین تین اضلاع میں تین طرفہ جنگ بندی کا اعلان کیا گیا تھا۔
