تنویر پونچھی
پونچھ// رہبر کھیل ٹیچرز فورم پونچھ کا ایک روزہ کنونشن آج ڈسٹرکٹ سپورٹس سٹیڈیم پونچھ میں منعقد ہوا جس میں ضلع بھر سے رہبر کھیل کے طور پر سلیکٹ ہوۓ امیدواروں نے شرکت کی اس موقع پر ڈسٹرکٹ یوتھ سروسز اینڈ سپورٹس آفیسر پونچھ سکندر پرویز زیڈ ای پی او ننگالی محمد قاسم رمیش کمار سینئر اسسٹنٹ مجید ڈار زیڈ ای پی او سرنکوٹ وجے کمار پی ای ایم و کئی دیگر لوگوں نے شرکت کی۔ اس موقع پر رہبر کھیل سلیکٹ ہوۓ امیدواروں کو ان کی تعیناتی سے متعلق رپورٹس بھی دی گئیں۔ پروگرام کے اختتامی لمحات میں ذرائع ابلاغ سے بات کرتے ہوۓ رہبر کھیل کے ضلع صدر پرویز ملک آفریدی نے ڈی وائی ایس ایس او کا رہبر کھیل کی دیرینہ مانگ پوری کرنے کے لیے شکریہ ادا کیا انہوں نے یونین ٹریٹری آف جموں و کشمیر کے لیفٹیننٹ گورنر سے اپیل کی ہے کہ وہ رہبر کھیل کے لوگوں کو مستقل کرنے کے احکامات جاری کریں کیونکہ یہ لوگ ہی آگے چل کر شعبہ کھیل کے فروغ میں کلیدی رول ادا کریں گے۔
