واشنگٹن، (اسپوتنک) امریکہ کے صدر ڈونالڈ ٹرمپ پانچ دسمبر کو اقوام متحدہ کی سلامتی کونسل (یواین ایس سی ) کے مستقل نمائندوں سے وائٹ ہاؤس میں ملاقات کریں گے ۔وائٹ ہاؤس نے اس کی تصدیق کی ہے ۔ اقوام متحدہ کی سلامتی کونسل کے ذرائع نے جمعہ کو بتایا کہ کونسل کے نمائندے پانچ دسمبر کو وائٹ ہاؤس کا دورہ کریں گے ۔وائٹ ہاؤس نے ایک بیان میں کہا‘‘صدر ڈونالڈ ٹرمپ پانچ دسمبر کو اقوام متحدہ کی سلامتی کونسل کے مستقل نمائندوں کا وائٹ ہاؤس میں استقبال کریں گے ۔دسمبر میں امریکہ کی سلامتی کونسل کی صدارت کا عہدہ سنبھالنے کے وقت ہی مستقل نمائندوں کا یہ دورہ ہو رہا ہے ’’۔بیان کے مطابق اس دوران مسٹر ٹرمپ سلامتی کونسل کے مستقل نمائندوں سے عالمی امن اور سلامتی سے متعلق چیلنجوں سے نمٹنے کے لئے ساتھ مل کر کام کرنے کی درخواست کریں گے
