میڈرڈ، نومبر (یو این آئی ) ایف سی بارسلونا نے بوروس ڈورٹمنڈ کو 3-1 سے شکست دے کر بطور گروپ فاتح چمپئنز لیگ کے آخری 16 میں اپنی جگہ یقینی بنا لی۔ بارسلونا نے حالیہ میچوں میں مایوس کن کارکردگی کا مظاہرہ کیا تھا لیکن بوروس کے خلاف مارک آندری ٹیر سٹیجن نے اسے پریشانی سے باہر نکالا اور لوئیس سواریز نے 22 ویں منٹ میں گول داغا جو آف سائیڈ ہو گیا۔ میچ کے ساتویں منٹ بعد ہی سواریز نے پھر سے لیونل میسی کے پاس پر بوروس کے ڈیفنس کو توڑتے ہوئے گول داغ دیا۔ بارکا کیلئے اگرچہ اس وقت پریشانی کھڑی ہو گئی جب اوسمانے ڈیمبلے کو میدان سے جانا پڑا۔ پٹھوں میں کھنچاؤ کے بعد ڈیمبلے کی جگہ انٹونی گرزمین کو اتارا گیا۔ مڈفیلڈ میں آئیون ریکٹک نے متاثر کن کارکردگی کا مظاہرہ کیا۔ وہیں میسی نے سواریز کے پاس پر 33 ویں منٹ میں گول کر اپنی ٹیم کی برتری کو دگنا کر دیا۔
گرزمین کے ایک شاٹ کو بوروس کے کیپر رومن برکي نے سیف کر بارسلونا کی برتری کو دوسرے ہاف کے آغاز میں ہی بڑھنے سے روکا لیکن 68 ویں منٹ میں دوبارہ میسی کے پاس پر گرزمین اس بار نشانے پر گول داغنے میں کامیاب رہے اور بارسلونا نے اسکور 3-0 پہنچا دیا۔ ارجنٹینا کے اسٹار نے فری کک پر اچھی کوشش کی لیکن ان کا شاٹ کراس بار کو چھوکر نکل گیا۔ انگلینڈ کے جیڈن ساچو نے بوروس کیلئے گول کر ہار کے فرق کو کم کیا۔ میچ کے 87 ویں منٹ میں ٹیر سٹیجن نے ساچو کے شاٹ کا انگلیوں سے دفاع کیا اور انہیں دوسرے گول سے روکا۔
