ممبئی، (یو این آئی) بالی وڈ کے معروف فلمساز روہت شیٹی کا کہنا ہے کہ شاہ رخ اور اجے دیوگن اپنے کام کے تیئں بہت ایماندار اور محنتی ہیں۔روہت شیٹی نے اجے دیوگن کے ساتھ ‘سنگھم اور گول مال سیریز’ جبکہ شاہ رخ کے ہمراہ ‘دل والے اور چینئی ایکسپریس’ جیسی فلموں میں کام کیا ہے ۔ روہت کا کہنا ہے کہ اجے اور شاہ رخ دونوں کے کام کرنے کا طریقہ ایک جیسا ہے ، دونوں اداکار ابھی بھی ایکٹنگ کررہے ہیں کیونکہ وہ سخت محنت کرتے ہیں اور اپنے کام کے تیئں ایماندار ہیں۔ روہت نے گوا میں ہورہے بین الاقوامی فلم فیسٹیول کے ایک سیشن دوران کہا ‘‘شاہ رخ اور اجے کے کام کرنے کا طریقہ ایک جیسا ہے دونوں محنتی ہیں ۔ میں کبھی بھی کوئی دن ایسا نہیں دیکھا جب شاہ رخ یا رنویر سنگھ یا اجے دیوگن سیٹ پر آکر کہتے ہوں کہ وہ تھک گئے ہیں۔ وہ آپ کو ایک کونے میں بیٹھ کر اپنی لائنوں کی ریہرسل کرتے ہوئے دکھائی دیں گے ۔ آج وہ جس مقام پر ہیں وہ اپنے کام کے تیئں ایمانداری کی وجہ سے اور کبھی بھی یہ نہیں سمجھنا کہ وہ اسٹار ہیں’’۔انہوں نے کہا ‘‘میں نے اجے کے ساتھ متعدد فلمیں کی ہیں لیکن آج بھی جب وہ کوئی طویل یا ڈرامائی یا کوئی بھی جذباتی سین کرتے ہیں تو آپ انہیں میرے اسسٹنٹ ڈائریکٹر کے ساتھ مشق کرتے ہوئے دیکھیں گے ۔شاہ رخ کے ساتھ بھی یہی ہوتا ہے ۔یو این آئی
