مین پوری:(یواین آئی)اترپردیش کے ضلع مین پوری میں ضلع انتظامیہ نے 12 ‘آشا بہوؤں’ کو برخواست کرنے کا حکم دئیے ہیں جبکہ سی ڈی پی او برناہٹ کو معطل کرنے کی سفارش کی ہے ۔
ڈسٹرکٹ مجسٹریٹ پرمودکمار اپادھیائے نے سنیچر کی دیر شام ڈسٹرکٹ میڈیکل کمیٹی کی میٹنگ میں گذشتہ ایک سال کے کام کا جائزہ لینے کے بعد 12 آشا کارکنوں کو برخاست کرنے کی ہدایت دئے ہیں وہیں کنیا سمنگلا اسکیم میں لاپرواہی پر سی ڈی پی او برناہل کو معطل کردیا گیا ہے ۔ڈسٹرکٹ مجسٹریٹ نے کہا کہ لگاتار ایک سال سے جن ‘آشا کارکنوں’ نے کام نہیں کیا ہے ان کی خدمات ختم کی جائیں۔ ‘کنیا سمنگل اسکیمُ میں دلچسپی نہ لینے ،مستحق بچیوں کا رجسٹریشن نہ کرانے پر سی ڈی پی او برناہل کے معطل کرنے کی سفارش انتظامیہ کو بھیجا گیا ہے ۔ سی ڈی پی او کراولی کو چارج شیٹ دئے جانے سی ڈی پی او کشنی کے میڈیکل چھٹی کے ضمن میں سی ایم او سے رپورٹ طلب کرنے کی ہدایت دی ہے ۔انہوں نے کہا کہ ضلع اسپتال میں جو دوائیں دستیاب نہ ہو ڈاکٹر انہیں ‘جن اوشدھی کیندر’ سے خریدنے کے لئے لکھیں۔ڈسٹرکٹ مجسٹریٹ نے عدم تغذیہ سے بچوں کو نجات دلانے کے لئے گود لئے گئے گاؤں کا دورہ کر کے رپورٹ دستیاب کرانے پر انچارج میڈیکل افسر کراولی،کشنی،ضلع آبکاری افسر کو انتباہ دیا۔ انہوں نے کہا کہ فی ماہ گود لئے گاؤں کا دورہ کرکے وقت سے رپورٹ دستیاب کرائیں۔
