بنگلور، (یو این آئی ) انٹرنیشنل بریک کے بعد ہیرو انڈین سپر لیگ (آئی ایس ایل ) دوبارہ آغاز کے لئے تیار ہے ۔ ہفتہ کو شری کاتروا اسٹیڈیم میں انٹرنیشنل بریک کے بعد کے پہلے میچ میں بنگلور ایف سی کا سامنا کیرالا بلاسٹرز سے ہوگا۔ دونوں ٹیمیں اس میچ کے ذریعے اپنی مہم کو نئی زندگی دینے کی کوشش کریں گی۔ بنگلور اور کیرالا پوائنٹس ٹیبل کے وسط میں ہیں۔ بنگلور جہاں چھ پوائنٹس لے کر پانچویں نمبر پر ہے وہیں چار میچوں سے چار پوائنٹس لے کر کیرالا کی ٹیم ساتویں نمبر پر ہے ۔ بنگلور اگرچہ اس سیزن میں اب تک ناقابل شکست رہنے والی تین ٹیموں میں سے ایک ہے ۔ اس نے ایک میچ میں کامیابی حاصل کی ہے جبکہ تین میچ ڈرا رہے ہیں۔ بریک سے پہلے بنگلور کی ٹیم نے چینین ایف سی کو شکست دی تھی۔ ابتدائی تین میچوں میں بنگلور کی ٹیم صرف ایک گول کر سکی تھی لیکن چینین کے خلاف وہ تین گول کرتے ہوئے فارم میں واپسی کے اشارہ دیے تھے ۔ چنني کے خلاف گول کرتے ہوئے کپتان سنیل چھیتری نے بھی اپنا اکاؤنٹ کھولا تھا۔ بنگلور کے کوچ چارلس کواڈراٹ نے کہاکہ مجھے لگتا ہے کہ سیزن کے آغاز سے ہی ہم بہتر پوزیشن میں ہیں۔ ہم ابتدائی تین میچ جیت سکتے تھے ۔ مجھے کیرل کے خلاف ہوئے میچ یاد ہیں۔ کل کے میچ کے بھی ٹکٹ بک چکے ہیں۔ یہ ہندوستانی فٹ بال کے لئے اچھی علامت ہے ۔ یہ ٹاپ ٹیموں میں سے ایک ہے اور مجھے لگتا ہے کہ یہ مقابلہ سخت ہو گا۔ ایک بار پھر ایرک پارٹالو اور رفائل اگستو جیسے کھلاڑی بنگلور کے لیے اہم ثابت ہو سکتے ہیں۔ ایرک چوٹ سے ابرکر واپسی کر چکے ہیں اور اس سے بنگلور کو کافی مضبوطی ملی ہے ۔ پارٹالو نے کہاکہ بنگلور میں ہزاروں لوگ ایسے رہتے ہیں، جو کیرالہ سے ہیں۔ اس سے اس کی ٹیم کے ساتھ ہونے والے میچوں میں ایک طرح کی مخاصمت بنتی ہے ۔ ہم ایسا کھیل دکھانا چاہتے ہیں کہ یہ شائقین بار بار میدان میں آئیں۔ یہ ضروری ہے ۔ جوانن کی قیادت میں کھیل رہی بنگلور کی ڈیفنس لائن نے چار میچوں میں ایک گول کھایا ہے اور وہ گول بھی پنالٹی پر ہوا تھا۔ راہل بھوئی چوٹ پر قابو پانے کے عمل میں ہیں اور یہ بات کواڈراٹ کو فکر مند کر سکتی ہے ۔ راہل کو عمان کے خلاف ورلڈ کپ کوالیفائر میچ کے دوران چوٹ لگی تھی۔ دوسری طرف، آلکو اسکاٹوري کی کیرالا ٹیم کے لئے اپنی ڈفینس لائین کو مضبوط رکھنا ایک چیلنج ہوگا۔ اے ٹي کے کے خلاف افتتاحی میچ میں ملی جیت کے بعد کیرالا کی ٹیم تین میچوں میں جیت نہیں حاصل کر سکی ہے ۔ اس میں ممبئی سٹی اور حیدرآباد کے خلاف شکست ملی تھی جبکہ اڑیسہ ایف سی کے خلاف اسے ڈرا کھیلنا پڑا تھا۔ ماریو ارکوئس، رفائل میسی اور جوائرو روڈرگز جیسے کھلاڑی زخمی ہیں اور اس وجہ سے ٹیم کو بہت نقصان ہوا ہے ۔ اسکاٹوري نے کہاکہ ایک کلب کے طور پر ہم اپنا بہترین دینے کی کوشش کر رہے ہیں۔ بدقسمتی سے میرے تمام سینٹر بیک زخمی ہیں اور مڈفیلڈ میں ارکوئس بھی زخمی ہیں۔ میں رئیلسٹک آدمی ہوں اور اس حالت میں اپنا بہترین دینے کی کوشش کر رہا ہوں۔
یو این آئی
