ممبئی (82 رن) کی نصف سنچری اننگز کی بدولت ممبئی نے مشتاق علی ٹرافی گروپ ڈی مقابلے میں اتوار کو آسام کے خلاف 83رن کی جیت درج کی۔ یہ ممبئی کی سات میچوں میں چھٹی جیت ہے جس کے بعد وہ گروپ میں سب سے زیادہ 24پوائنٹ لیکر چوٹی پر بنی ہوئی ہے ۔
آسام نے میچ میں ٹاس جیتنے کے بعد پہلے ممبئی کو بلے بازی کا موقع دیا جس نے گھریلو وان کھڑے اسٹیڈیم پر کھیلے گئے میچ میں گھریلو حالات کا پورا فائدہ اٹھایا اور مقررہ 20اوور میں پانچ وکٹ پر 206رن کا بڑا اسکور کھڑا کردیا۔ آسام کی ٹیم بڑے ہدف کے سامنے مقررہ اووروں میں آٹھ وکٹ پر 123 رن ہی بنا سکی۔ آسام کی اننگز میں ریان پراگ نے 38رن کا بڑا سکور بنایا۔ ممبئی کی طرف سے دھول کلکرنی، شیوم دوبے اور شمس ملانی نے دو دو وکٹ لئے ۔ ممبئی کی جیت میں اوپنروں پرتھوی اور آدتیہ کا اہم رول رہا جنہوں نے پہلے وکٹ کے لئے 138رن کی سنچری شراکت کی۔ ڈوپنگ کی وجہ سے پچھلی تاریخ سے آٹھ مہینہ کا بین جھیلنے کے بعد کرکٹ میں واپسی کررہے پرتھوی نے اپنے پہلے ہی میچ میں 39گیندوں میں سات چوکوں اور دو چھکوں کی مدد سے 63رن بنائے ۔ انہوں نے میچ کے بعد کہاکہ میری پوری توجہ اب رن بنانے پر ہے تاکہ ہندستانی کرکٹ ٹیم میں واپسی کا راستہ ہموار ہو۔ میں اب اپنے بلے کو بولنے دینا چاہتا ہوں۔ دیگر اوپننگ بلے باز آدتیہ نے 48گیندوں میں 12چوکوں اور ایک چھکے سے 82رن اکی اننگز کھیلی۔ سدھیش لاڈ نے ناٹ آوٹ 32رن بنائے ۔ آسام کی طرف سے ریان پراگ نے 30رن پر ممبئی کے سب سے زیادہ تین وکٹ لئے
