سرینگر //یو پی آئی // کولگام میں بلند پایہ ولی کامل حضرت سید محمد سمنانی کا عرس مبارک عقیدت و احترام کے ساتھ منایا گیا۔ آستانہ عالیہ میں رات بھرزائرین کی ایک بڑی تعداد نے شب بیداری کی جس دوران رقعت آمیز مناظر دیکھنے کوملے۔ خبر رساں ایجنسی یو پی آئی کے مطابق بلند پایہ ولی کامل حضرت سید محمد سمنانی ؒ کا سالانہ عرس مبارک اُن کے آستانہ عالیہ واقع کولگام میں تزک و احتشام کے ساتھ منایا گیا۔ نمائندے کے مطابق وادی کے اطراف واکناف سے آئے ہوئے زائرین کولگام پہنچنے جنہوںنے رات عبادتِ الٰہی میں گزاری ۔ معلوم ہوا ہے کہ مقامی انتظامیہ نے زائرین کی سہولیات کی خاطر خاطر خواہ انتظامات کئے گئے تھے۔ شب خوانی کے دوران وادی کی موجودہ صورتحال کو لے کر خصوصی دعائوں کا اہتمام کیا گیا جس دوران رقعت آمیز مناظر دیکھنے کوملے۔ اس دوران عرس پاک کے روز تبرکات کی بھی نشاندہی کی گئی
