انقرہ، (یواین آئی)ترک صدر رجب طیب اردگان نے ترکی میں بغاوت کرنے والے گروپ کے خلاف کارروائی کا مطالبہ کیا ہے ۔ طیب اردگان نے امریکی ہم منصب ڈونلڈ ٹرمپ سے واشنگٹن میں ملاقات کی، جس میں انہوں امریکی صدر سے مطالبہ کیا کہ ترکی میں بغاوت کرنے والوں کے خلاف کارروائی کی جائے ۔ رجب طیب اردگان کا کہنا تھا کہ فتح ﷲ گولن امریکہ میں 400 ایکڑ پر محیط علاقے میں رہائش اختیار کئے ہوئے ہے ، وہ امریکہ سے دنیا بھر میں نیٹ ورک چلارہا ہے ، جسے قبول نہیں کرسکتے ۔ واضح رہے کہ امریکہ روانگی سے قبل رجب طیب اردگان نے کہا تھا کہ امریکی صدر سے ملاقات میں شام میں ترکی کے ملٹری آپریشن، فتح ﷲ گولن کی تنظیم کے خلاف ان کی کارروائیوں پر بات چیت ملاقات کے ایجنڈے کا اہم موضوع ہوں گے
