لازوال ڈیسک
جموں؍؍ نیشنل کانفرنس واحد سیاسی جماعت ہے جو کسانوں اور سماج کے پسے ہوئے طبقات کے حقوق کی حفاظت کر سکتی ہے۔ یہ بات سابق وزیر اور زونل صدر سنٹرل زون نیشنل کانفرنس بابو رام پال نے سانبہ ضلع کے رام گڑھ سیکٹر کے سرحدی گاؤں دگ میں کارکنوں کی میٹنگ سے خطاب کرتے ہوئے کہی۔اس میٹنگ کا اہتمام اشوک عطری، نائب صدر سنٹرل زون این سی نے کیا تھا اور مہندر سنگھ صوبائی نائب صدر جموں اس موقع پر مہمان خصوصی تھے۔ اس میٹنگ میں سینٹرل زون کے عہدیداروں میں نرمل سنگھ،و دیگران شامل ہوئے ۔وہیںجلسہ سے تبادلہ خیال کرتے ہوئے بابو رام پال نے کہا کہ این سی واحد پارٹی ہے جس نے ماضی میں کسانوں اور سماج کے پسماندہ طبقے کے حقوق اور وقار کا تحفظ کیا ہے اور وہ اس خاص طبقے کی بہتری کے لیے مزید لگن اور جوش کے ساتھ کام کرے گی۔ انہوں نے کہا کہ این سی جموں و کشمیر کو ریاست کا درجہ بحال کرنے تک دانت اور کیل سے لڑنے کے لئے پرعزم ہے۔موجودہ حکومت پر تنقید کرتے ہوئے انہوں نے کہا کہ جامع ثقافت اور فرقہ وارانہ ہم آہنگی کو تباہ کرنے کے مقصد سے جموں و کشمیر کو یونین ٹیریٹری میں گھٹا دیا گیا تھا اور فرقہ پرست طاقتوں کو منہ توڑ جواب دینے کے لئے این سی کے موقف کو دہرایا۔ انہوں نے پارٹی کارکنوں پر زور دیا کہ وہ نوجوانوں کی توانائی کو تعمیری انداز میں استعمال کریں تاکہ ایک مضبوط قوم کی تعمیر ہو سکے۔
