لازوال ڈیسک
جموں؍؍جئے ماں کی سیوا سنستھا ایک عظیم الشان چنڈی ماتا جاگرن کاانعقاد ریہاڑی کالونی میں کیاگیا جس میں سینکڑوں لوگوں نے شرکت کی ۔اس موقع کو سابق وزیر اور سابق ممبر اسمبلی جموں ویسٹ ست شرما (سی اے) کی موجودگی اہم رہی ۔ گرینڈ بھوگ کیساتھ جاگرن شروع کر دیا ۔ جموں ، پنجاب اور دیگر کے معروف گلوکاروں نے ما ںچانڈی کی تعریف کرتے ہوئے کئی بھجن گائے۔ اس موقع پر کارپوریٹر وارڈ 24 انو بالی بھی موجود تھیں۔ اس موقع پر ست شرما نے ماتا چنڈی کی روحانیت اور زندگی پر روشنی ڈالی اور کئی سالوں سے ایک بہترین جاگرن کے انعقاد کے لئے کمیٹی کی کوششوں کو سراہا۔ انہوں نے وہاں موجود لوگوں سے بھی کہا کہ وہ خود کو روحانی طور پر شامل کریں نیز اس سے زندگی میں واضح سمت حاصل کرنے میں مدد ملتی ہے۔اس موقع پر ، فنکاروں نے دوسرے عقیدت مندوں کے ساتھ کڈ ڈانس بھی پیش کیا ، جسے ماتا چانڈی کا پسندیدہ اور روایتی رقص کہا جاتا ہے۔ سنستھا صدر منیش کے دیگر ارکان کے ساتھ ساتھ کمار راجہ سنستھا شکریہ کی تحریک پیش کی۔
