یواین آئی
نئی دہلی؍؍ ہندوستانی کرکٹ ٹیم کے ہیڈ کوچ روی شاستری نے کہا ہے کہ قومی کرکٹ کے ساتھ طویل اور کامیاب تجربہ رکھنے والے سورو گنگولی کی بطور بی سی سی آئی صدر تقرری صحیح سمت میں اٹھایا گیا قدم ہے ۔شاستری نے کہاکہ میں گنگولی کو بي سي سي آئي صدر منتخب ہونے پر دل سے مبارک باد دینا چاہتا ہوں۔ ان کی تقرری ہندستانی کرکٹ کے لیے صحیح سمت میں اٹھایا گیا قدم ہے ۔ سابق کپتان گنگولی کو حال ہی میں بلامقابلہ ہندستانی کرکٹ کنٹرول بورڈ کا نیا صدر منتخب کیا گیا تھا۔ بورڈ کا آپریشن کر رہی سپریم کورٹ کی طرف سے مقرر منتظمین کی کمیٹی کے 33 ماہ کی مدت کے بعد اب بورڈ کی کمان گنگولی کے ہاتھوں میں سونپی گئی ہے ۔ قومی کوچ شاستری نے کہاکہ گنگولی میں بہترین قیادت کی صلاحیت ہے اور وہ گزشتہ کافی عرصے سے کرکٹ انتظامیہ میں رہ چکے ہیں۔ ان کا بورڈ میں صدر بننا ہر معنوں میں کرکٹ کے لیے فائدہ مند ہو گا۔انہوں نے کہاکہ بورڈ کے لئے موجودہ وقت مشکل بھرا ہے اور بی سی سی آئی کو واپس مضبوط بنانے کے لیے کافی کام کرنے کی ضرورت ہے ۔ میں انہیں مستقبل کے لئے اپنی نیک خواہشات دیتا ہوں۔ شاستری نے مانا کہ گنگولی کی صدارت میں بی سی سی آئی انٹرنیشنل کرکٹ کونسل سے اپنے ادائیگی معاملے کو بھی طے کر پائے گا۔
