بنگلور؍؍ تیز گیندباز ابھیمنیو متھن کی شاندار ہیٹ ٹرک سمیت پانچ وکٹ اور اوپنر لوکیش راہل کے ناٹ آؤٹ 52 اور ہندستانی ٹیسٹ اوپنر مینک اگروال کے ناٹ آؤٹ 69 رنز کی بدولت کرناٹک نے تمل ناڈو کو جمعہ کو بارش سے متاثرہ فائنل میں وي جے ڈي طریقہ کار کے تحت 60 رن سے شکست دے کر چوتھی بار وجے ہزارے ٹرافی ون ڈے ٹورنامنٹ کا فاتح ہونے کا اعزاز حاصل کر لیا۔تمل ناڈو کی ٹیم 49.5 اوور میں 252 رن پر سمٹ گئی۔ کرناٹک نے 23 اوور میں ایک وکٹ پر 146 رن بنائے تھے کہ پھر بارش ہونے کی وجہ سے کھیل ممکن نہیں ہو پایا۔ کرناٹک کو وي جے ڈي طریقہ کار کے تحت 60 رنز سے فاتح قرار دیا گیا۔ وي جے ڈي طریقہ کار کے تحت 23 اوور تک پار اسکور 86 رنز تھا جبکہ کرناٹک نے 23 اوور تک 146 رنز بنا لئے تھے ۔کرناٹک اس سے پہلے 2013-14، 2014-15 اور 2017-18 میں فاتح تھا۔ تمل ناڈو نے آخری بار 2016-17 میں یہ خطاب جیتا تھا اور اسے پہلی بار رنر اپ رہنے پر اکتفا کرنا پڑا۔متھن نے تمل ناڈو کی اننگز کے 50 ویں اوور میں تیسری، چوتھی اور پانچویں گیند پر وکٹ لے کر ہیٹ ٹرک مکمل کی۔ انہوں نے 34 رن پر پانچ وکٹ حاصل کئے ۔ متھن نے شاہ رخ خان، ایم محمد اور مرگن اشون کو آؤٹ کر اپنی ہیٹ ٹرک مکمل کی۔تمل ناڈو کے لیے نوین مکند نے 85 اور بابا اپراجت نے 66 رن بنائے ۔ مکند نے 110 رنز کی اپنی اننگز میں نو چوکے لگائے جبکہ بابا نے 84 گیندوں میں سات چوکے لگائے ۔ وجے شنکر نے 38 اور شاہ رخ خان نے 27 رنز بنائے ۔کرناٹک کے لئے راہل اور مینک دوسرے وکٹ کے لئے 112 رن کی ناٹ آؤٹ ساجھے داری کی۔ راہل نے 72 گیندوں پر ناٹ آوٹ 52 رن میں پانچ چوکے اور مینک نے 55 گیندوں پر ناٹ آوٹ 69 رن میں سات چوکے اور تین چھکے لگائے ۔وجے ہزارے ٹورنامنٹ اس پورے سیزن میں بارش سے متاثر رہا اور فائنل بھی بارش سے محفوظ نہیں رہا لیکن فائنل میں کرناٹک نے تیز رفتار سے بلے بازی کر خود کو برابر نیٹ رن ریٹ سے آگے رکھا اور چمپئن بننے کا اعزاز حاصل کیا۔
