نئی دہلی، 27 اکتوبر ( یواین آئی) صدر جمہوریہ رام ناتھ كووند، وزیر اعظم نریندر مودی اور مرکزی وزیر داخلہ اور بھارتیہ جنتا پارٹی (بی جے پی) صدر امت شاہ نے اتوار کو دیوالی کے موقع پر ہم وطنوں کو مبارک باد دی۔مسٹر كووند نے ٹوئٹر پر لکھا’’دیوالی کے متبرک موقع پر تمام ہم وطنوں کو مبارکباد ۔ آئیے اس دن ہم محبت، ہمدردی اور میل جول کے چراغ روشن کرتے ہوئے سبھی کی با لخصوص ضرورت مندوں کی زندگی میں خوشیاں لانے کی کوشش کریں‘‘۔مسٹر مودی نے ٹویٹ کر کے کہا’’ملک کے باشندوں کو دیوالی کے متبرک موقع پر بہت بہت مبارک ۔ روشنی کا یہ تہوار ہم سب کی زندگی میں نئی روشنی لے کر آئے اور ہمارا ملک سدا خوشحالی اور خوش قسمتی سے منور رہے ۔وہیں مسٹر شاہ نے ٹوئٹر پر لکھا’’یہ ديپ اتسو سبھی کی زندگی میں نئی روشنی، خوشحالی اور خوش قسمتی لائے ۔ آپ سبھی کو دیوالی کے متبرک تہوار پر دلی مبارک باد ‘‘۔ملک بھر میں آج دیوالی کا تہوار دھوم دھام سے منایا جا رہا ہے ۔ قدیم روایات کے مطابق دیوالی کے دن ہی بھگوان شری رام برائی کی علامت راون کو مارنے کے بعد 14 سال کا بن باس ختم کر کے ایودھیا لوٹے تھے اور ايودھياواسيوں کا دل اپنے عزیز بادشاہ کی آمد پر خوشی سے جوم اٹھا ۔ايودھياواسيوں نے بھگوان شری رام کے استقبال میں گھی سے چراغ جلا کر ’کارتک ماس کی کالی اماوسيا ‘کی رات کو جگمگا دیا تھا
