شاہ ہلال
اننت ناگ//جنوبی ضلع اننت ناگ کے مختلف علاقوں میں موسم سرما سے قبل ہی بجلی کی غیر متوقع کٹوتی کا سلسلہ شروع ہو چکا ہے جس کے سبب لوگوں کو دشواریوں کا سامنا کرنا پڑتا ہے ۔ضلع کے سیر ہمدان،کوکرناگ،دیلگام،ڈورو،کپرن ،ویری ناگ اور دیگر ملحقہ علاقوں میں بجلی کی عدم دستیابی کے سبب لوگ سخت پریشان ہے ۔لوگوں کا کہنا ہے کہ ان کے علاقوں میں بجلی کی غیر متوقع کٹوتی شروع ہو چکی ہے ،جس کے سبب24گھنٹوں میں بجلی محض چند ہی گھنٹوں رکھی جاتی ہے جس دوران بجلی کی آنکھ مچولی جاری رہتی ہے ۔بجلی کی مسلسل آنکھ مچولی کے سبب امتحانات میں شامل ہونے والے طلاب کے ساتھ عام لوگوں کو سخت زہنی کوفت کا سامنا کرنا پڑتا ہے ۔لوگوں نے محکمہ سے اپیل کی ہے کہ صارفین کو شیڈول کے مطابق بلا خلل بجلی فراہم کی جائے ۔ اس بیچ ڈورو شاہ آباد کے مختلف علاقوں میں گذشتہ کہی روز سے پینے کا پانی متاثر ہے ۔قصبہ کے سہہ پورہ،آرہبل،کٹے گند،کھڈحمام اور پولیس کالونی میں پینے کا پانی کہی روز سے متاثر ہے جس کے سبب مقامی آبادی کو سخت مشکلات درپیش ہیں ۔لوگوں کا کہنا ہے کہ اُنہیں پانی حاصل کرنے کے لئے ندی نالوں کا رخ کرنا پڑتا ہے ۔مقامی لوگوں نے محکمہ پی ایچ ای سے مداخلت کی اپیل کی ہے ۔
