یواین آئی
پیرس؍؍ سال کے بہترین فٹبال کھلاڑیوں کو دیئے جانے والے ممتاز بیلن ڈی اور ایوارڈز کی دوڑ سے اس وقت دنیا کے سب سے مہنگے کھلاڑی نیمار جگہ بنانے سے چوک گئے ہیں جبکہ خواتین میں میگن ریپي نوئے خطاب کی مضبوط دعویدار ہیں۔ فرانس فٹ بال نے چار زمروں میں اپنے نامزد کھلاڑیوں کی فہرست جاری کی۔ کروشیا کو عالمی کپ فائنل میں پہنچانے میں اہم کردار ادا کرنے والے لوکا موڈرچ اور سال 2017 میں 22.2 ملین یورو کی رقم میں پیرس سینٹ جرمین کا حصہ بنے برازیلی فٹبالر نیمار اس بار بیلن ڈی اور ایوارڈز کے 30 مرد امیدواروں کی فہرست سے باہر ہیں۔چوٹ، معطلی اور کئی طرح کے تنازعات سے برسرپیکار نیمار کو اس بار خمیازہ بھگتنا پڑا ہے ۔ اگرچہ حال ہی میں فیفا کے بہترین کھلاڑی بنے لیونل میسی اور کرسٹیانو رونالڈو کے نام فہرست میں شامل ہیں۔وہیں خواتین ورلڈ کپ کی بہترین کھلاڑی رہیں ریپي نوئے خواتین کے زمرے میں ایوارڈ حاصل کرنے والوں کی فہرست میں سب سے آگے ہیں۔ وہ ٹورنامنٹ کی مشترکہ ٹاپ اسکورر رہی تھیں اور فرانس میں ہوئے ورلڈ کپ میں امریکہ کو جیت دلانے میں اہم کردار ادا کیا تھا۔ بیلن ڈی اور کے فاتحین کا اعلان دو دسمبر کو پیرس میں منعقد ایک تقریب میں کیا جائے گا۔ فاتحین کا فیصلہ 180 ممالک کے صحافیوں کے ذریعے کیا جائے گا۔
