ڈیوس کپ میں برطانیہ کی نمائندگی کریں گے مرے
یواین آئی
لندن؍؍سابق نمبر ایک ٹینس کھلاڑی اور حال ہی میں اینٹورپ میں اے ٹی پی ٹورنامنٹ میں چمپئن بنے اینڈی مرے اگلے ماہ سے ہونے والے ڈیوس کپ فائنلس میں برطانیہ کی نمائندگی کریں گے ۔برطانوی ٹینس ٹیم کے کپتان لیون اسمتھ نے اس کی اطلاع دی ہے ۔ برطانیہ کی ٹینس ادارے ایل ٹی اے نے بتایا کہ اسمتھ نے میڈرڈ میں ہونے والے ڈیوس کپ فائنلس کیلئے چار کھلاڑیوں کا اعلان کیا ہے جبکہ پانچویں کھلاڑی کا اعلان آئندہ ہفتے کیا جائے گا۔ مرے اور ان کے بڑے بھائی جیمی مرے کی ڈیوس کپ ٹیم میں واپسی ہوئی ہے جبکہ ڈین ایوانز اور نیل سپسکي بھی ٹیم میں شامل ہیں ۔ اسمتھ نے کہاکہ اینڈی کو ٹیم میں واپس دیکھ کر بہت خوشی ہو رہی ہے خاص طور پر انہوں نے اینٹورپ میں بہترین کارکردگی کا مظاہرہ کیا تھا۔32 سال کے مرے نے اتوار کو یورپی اوپن ٹینس ٹورنامنٹ میں خطاب جیتا تھا جس میں دو سال بعد ان کا پہلا اے ٹی پی ٹائٹل ہے ۔ تین بار کے گرینڈ سلیم چمپئن ہپ کی انجری کی وجہ سے گزشتہ دو سال سے جدوجہد کر رہے تھے اور عالمی رینکنگ میں 200 کے پار پہنچ چکے ہیں۔حالیہ فارمیٹ سے ھوے نے والا ڈیوس کپ فائنلس 18 سے 24 نومبر کو ہوگا جس میں برطانیہ ناک آؤٹ راؤنڈ میں پہنچنے کے لیے کھیلے گا۔ اس کے ساتھ گروپ ای میں ہالینڈ اور قازقستان ہیں۔
