نئی دہلی؍؍ہندوستانی قومی ہاکی ٹیم کے سابق کپتان ظفر اقبال نے آج کہاکہ مردوں کی ہاکی ٹیم کی تیاری بہتر چل رہی ہے اور امید ہے کہ ٹیم اگلے مہینے ہونے والے اولمپک کوالیفائرز میں روس کے خلاف جیت حاصل کرے گی اور ٹوکیو اولمپک میں سیمی فائنل تک پہنچے گی۔ظفر نے یہاں آئی ایم ٹی غازی آباد اور اسپورٹس وے آف لائف کے زیر اہتمام مشترکہ طور پر منعقد ہوئے ایک سیمینار میں حصہ لیا اور اپنے تجربات کا ذکر کرتے ہوئے کہا کہ ہندوستان میں کافی صلاحیت ہے اور اب یہاں بھی لوگ کھیلوں میں زیادہ سے زیادہ دلچسپی لے رہے ہیں۔اولمپک میں آخری بار 1980 میں سونے کا تمغہ جیتنے والی ٹیم کے رکن ظفر نے یو این آئی سے بات چیت کرتے ہوئے کہا کہ ہماری تیاری بہت اچھی چل رہ ہے اور مجھے لگتا ہے کہ ٹیم کے کوچ گراہم ریڈ نے کھلاڑیوں کو بہتر طریقے سے سمجھ لیا ہے ۔ ابھی حال ہی ٹیم بیلجیم گئی تھی جہاں اس نے دو ملکوں کے ساتھ پانچ مقابلے کھیلے اور بہت اچھی بات کہ ہم ایک بھی میچ نہیں ہارے ۔انہوں نے کہا کہ ہم نے اسپین کے خلاف بھی اچھی کارکردگی کا مظاہرہ کیا۔ اسپین کو ہمیشہ مضبوط ٹیم سمجھا جاتا ہے اور مجھے لگتا ہے کہ اولمپک کوالیفائرس میں ہندوستانی ٹیم کو پریشانی نہیں ہونی چاہیے ۔ ہمیں کوالیفائرس میں روس کے خلاف دو میچ کھیلنے ہیں اور روس کی ٹیم کمزور نہیں سمجھا جاسکتا لیکن مجھے یقین ہے کہ ان مقابلوں میں ہندوستان ہی فاتح رہے گا۔سابق کپتان نے کہا کہ ہمیں کوالیفائرس میں لگاتار دو مقابلے کھیلنے ہیں اور مجھے یقین ہے کہ ہندوستان یہ مقابلے جیت کر اولمپک کے لئے کوالیفائی کرلے گا۔ اسی طرح خواتین کی ٹیم بھی اپنا مقابلہ جیتنے میں کامیاب رہے گی۔ظفر نے کہا کہ چھوٹے میں کھیلنے اور بڑے ٹورنامنٹوں میں کھیلنے میں فرق ہے ۔ کچھ ٹیمیں ہوتی ہیں اور اپنی حکمت عملی ظاہر نہیں ہونے دیتیں اور وقت آنے پر مقابلے میں بہتر مظاہرہ کرتی ہیں۔سابق کپتان نے کہا کہ اولمپک کے مقابلے ایشیائی کھیلوں کا معیار کچھ کم ہوتا ہے ۔ ایشیائی کھیلوں میں آپ کو یہاں کی ٹیموں کے ساتھ مقابلہ کرنا ہوتا ہے ۔ لیکن اولمپک میں صورتحال پوری طرح مختلف ہوتی ہے ۔ اولمپک کے لئے کوالیفائی کرنا ، اولمپک میں کامیابی کا پہلا مرحلہ ہے ۔ظفر نے کہا کہ جس طرح سے حالیہ دنوں میں ہندوستانی ٹیم نے اپنی کارکردگی کا مظاہرہ کیا ہے اسے دیکھتے ہوئے مجھے پوری امید ہے کہ ہماری ٹیم اس بار اولمپک کے سیمی فائنل میں ضرور پہنچے گی اور اس طرح تمغہ جیتنے کا بڑا اچھا موقع ہے ۔
