نئی دہلی؍؍ہیرو انڈین سپر لیگ کا چھٹا سیزن اتوار سے شروع ہو رہا ہے ۔ اس سال بنگلور ایف سی اور ایف سی گوا کچھ ممکنہ فاتحین میں شامل ہوں گے ، اس کے باوجود ہندوستان کی سب سے بڑی فٹ بال لیگ کا نیا سیزن اتار چڑھاؤ سے بھرا ہو گا۔موجودہ چمپئن بنگلور ایف سی اور رنر اپ ایف سی گوا دو ایسی ٹیمیں ہیں، جو گزشتہ سیزن میں اپنے طرز کی وجہ سے الگ رہیں۔ ان کلبوں نے اپنی کور ٹیم کو برقرار رکھا ہے اور اسی وجہ سے ان ٹیموں کا آگے جانایقینی سمجھا جا رہا ہے ۔اس میں کوئی شک نہیں کہ بنگلور اور گوا خطاب کے مضبوط دعویدار ہیں لیکن تمام ٹیموں نے نئے سیزن کے لئے کافی تبدیلیاں کی ہیں اور اس وجہ سے ان کی دعویداری پر بھی شک نہیں کیا جا سکتا ہے ۔ اے ٹي کے سے زیادہ کسی ٹیم نے لوگوں کی توجہ اپنی طرف متوجہ نہیں کی۔ دو بار کی چمپئن ٹیم نے کئی نامی گرامی غیر ملکی کھلاڑیوں کو اپنے ساتھ شامل کیا ہے اور اس وجہ سے کاغذ پر یہ ٹیم کافی مضبوط نظر آ رہی ہے ۔چینیئن ایف سی گزشتہ سیزن میں سب سے نیچے رہی تھی۔ اس ٹیم نے بھی اپنی شبہ بہتر بنائی ہے اور پری سیزن مقابلوں کے دوران کافی مضبوطی سے سامنے آئی ہے ۔سب سے پہلے نظر موجودہ چمپئن اور خطاب کے سب سے مضبوط دعویدار بنگلور ایف سی پر ڈالتے ہیں۔ دی بلوز نام سے مشہور اس ٹیم نے اپنی ان غلطیوں کو تسلیم کیا، جن پر کام کرنے کی ضرورت تھی۔ اس ٹیم نے عاشق کرونین اور رفائل اگستو کے ساتھ معاہدہ کیا اور اس کی وجہ یہ ٹیم پہلے سے کافی مضبوط ہو گئی ہے ۔ایف سی گوا نے اپنے ساتھ ایک بھی غیر ملکی کھلاڑی الگ سے شامل نہیں کیا ہے ۔ اس نے چھ غیر ملکی کھلاڑیوں کو ریٹین کیا ہے ۔ ان میں ڈیفینڈر ماؤتاردا فال، مڈفیلڈر احمد جاھو اور گولڈن بوٹ فاتح فیران کورومناس شامل ہیں۔ اس کے علاوہ اس کے پاس ہندوستانیوں کے طور پر برینڈن فرنانڈیز، مندار راؤ دیسائی اور مانویر سنگھ ٹیم میں شاندار تال میل بناتے ہیں۔گزشتہ سیزن میں لیگ اسٹیج میں 10 ٹیموں نے کل 254 گول کئے تھے ۔ آئندہ سیزن اس سے بہتر نتائج لے کر آئے گا کیونکہ ہر ٹیم میں اچھے گول اسکورر شامل ہیں۔ نارتھ ایسٹ یونائیٹڈ ایف سی نے گھانا کے انٹرنیشنل پلیئر اور سنڈرلیمڈ اسٹرائیکر اساموہ گیان کے ساتھ معاہدہ کرکے سب کوحیران کر دیا ہے ۔ گیان گول کرنے میں ماہر ہیں۔کیرالا بلاسٹرس ایف سی کے لئے گزشتہ دو سیزن کافی مایوس کن رہے تھے ۔ اب یہ ٹیم بارتھولومیو اوگبیچے پر انحصار کرے گی، جو گول کرنے کی اس کمی کو درست کریں گے ۔ گوا کے فیران کورومناس نے ہی گزشتہ سیزن میں اوگبیچے سے زیادہ گول کئے تھے ۔ ممبئی سٹی ایف سی کے پاس مودو سوگوؤ کے طور پر ایک بہترین گول اسکورر ہے اور وہ وہیں سے شروعات کرنا چاہتے ہیں، جہاں گزشتہ سیزن میں انہوں نے اختتام کیا تھا۔نئی ٹیم حیدرآباد ایف سی اور اوڈیشہ ایف سی کم وقت میں ایک مسابقتی ٹیم بنانے میں کامیاب رہی ہیں۔ حیدرآباد کے پاس مارسے لنھو اور مارکو اسٹینکووک کے طور پر تجربے کاخزانہ ہے جو جانتے ہیں کہ لیگ کو کس سمت میں لے جانا ہے ۔ اسی طرح اوڈیشہ ایف سی کے پاس مارکوس تیبار، جسکو ھرناڈیز جیسے کچھ اچھے غیر ملکی اور ہندوستانی کھلاڑیوں کا امتزاج ہے ۔سال 2019۔20 سیزن میں آئی ایس ایل میں سلائڈلائنس پر کچھ بہترین کوچ بھی شامل ہوئے ہیں۔ نارتھ ایسٹ یونائیٹڈ ایف سی کے پاس رابرٹ جارني آئے ہیں۔ انہوں نے ایلکو ا سکاٹوري کی جگہ لی ہے ، جو، اب کیرالا بلاسٹرس کے کوچ ہیں۔ اے ٹي کے نے ایک بار پھر انتونیو ہباس کی کا سہارا لیا ہے جن کی نگرانی میں 2014 میں اس نے خطاب جیتا تھا۔ اسی طرح جمشید پور ایف سی نے اسپیشن کوچ انتونیو اریوڈو کے ساتھ معاہدہ کیا ہے ، جن کے پاس اسپین میں کوچنگ کا 25 سال کا تجربہ ہے ۔نئے سیزن میں کچھ کھلاڑیوں نے کلب تبدیل کیا ہے ، لہذا کچھ کھلاڑی اپنی پرانی وفاداری چھوڑکر نئی ٹیم اور نئے ساتھیوں کے تئیں وفاداری دکھانے کی کوشش کریں گے ۔ جمشید پور کے دو کھلاڑی سرگیو چڈونچا اور ماریو ارکویس اب کیرل کے لئے کھیلتے ہوئے نظر آئیں گے ۔ اسی طرح برازیلی رفائل اگستو نے چنئی کا ساتھ چھوڑکر بنگلور کا دامن تھام لیا جبکہ انس اداتھودکا اب اے ٹي کے کے لئے کھیلیں گے ۔نئے سیزن میں کافی کچھ سنسنی خیز ہے ۔ کچھ ٹیمیں دعویداروں میں شامل ہیں لیکن نئے سیزن میں نئے معجزہ بھی ہو سکتے
