یواین آئی
اسلام آبادپاکستان نے سفارت کار معین الحق کو ہندوستان میں اپنا نیا ہائی کمشنر مقرر کیا ہے اور جلد ہی دونوں ممالک کے درمیان مذاکرات شروع ہونے کی امید ظاہر کی ہے ۔ پاکستان کے وزیر خارجہ شاہ محمود قریشی نے پیر کو میڈیا کو یہ اطلاع دیتے ہوئے کہا کہ یہ ایک اہم تقرری ہے کیونکہ ہندوستان میں انتخابی عمل تقریبا ختم ہو چکا ہے اور انتخابات کے بعد دونوں پڑوسی ملکوں کے درمیان بات چیت کا نیا سلسلہ شروع ہو سکتا ہے ۔ انہوں نے کہا کہ ہندوستان ہمارے لئے اہم ملک ہے ، لہذا مسٹر معین الحق کو نئی دہلی بھیجا جا رہا ہے ۔ معین الحق فی الحال فرانس میں پاکستان کے سفیر ہیں۔ سہیل احمد کی پاکستان کے نئے سکرٹری خارجہ کے طور پر تقرری کے بعد سے ہی ہندوستان میں پاکستانی ہائی کمشنر کا عہدہ خالی تھا۔ قریشی نے بتایا کہ وزیر اعظم عمران خان نے پیر کو ہندوستان، چین اور جاپان سمیت تقریباً 18 ممالک میں حالیہ ہائی کمشنروں / سفیروں کی تقرری کی منظوری دے دی۔ مسٹر قریشی نے امید ظاہر کی کہ نو تقررسفیر / ہائی کمشنر دنیا بھر میں پاکستان کی نرم شبیہ گڑھنے میں اہم کردار کردار نبھائیں گے ۔
