—ماہِ رمضان ہے——

نور کا سلسلہ ماہِ رمضان ہے
خلد کا راستہ ماہِ رمضان ہے
تو شفا ہی شفا ماہِ رمضان ہے
سب دکھوں کی دوا ماہِ رمضان ہے
رحمتوں کی گھٹا ماہِ رمضان ہے
بندگی کا مزا ماہِ رمضان ہے
کوئی مایوس رحمت سے تیری نہیں
سب کا کاسہ بھرا ماہِ رمضان ہے
عرش سے رات دن آر ہی ہے ہمیں
مغفرت کی صدا ماہِ رمضان ہے
ہوگئے بند دوزخ کے در سب کے سب
باب جنت کھلا ماہِ رمضان ہے
میری ہستی پہ ہو اک کرم کی نظر
تو نہ اب آزما ماہِ رمضان ہے
جل رہا ہے بدن آگ کی طرح اب
بھیج ٹھنڈی ہوا ماہِ رمضان ہے
سر ہے سجدے میں ساحل کا تیرے حضور
اب تو سن التجا ماہِ رمضان ہے۔

۔۔۔۔۔۔۔۔ مراد ساحل۔۔۔۔۔۔ممبئی۔۔ مہاراشٹر۔۔
موبائل۔ 9405187859