ایئر انڈیا کی خدمات چھ گھنٹے تک متاثر
یواین آئی
نئی دہلی؍؍پسنجر سروس سسٹم میں خرابی کی وجہ سے سرکاری طیارہ خدمات کمپنی ایئر انڈیا کی پروازیں ہفتے کی صبح تقریباً چھ گھنٹے تک ٹھپ رہیں، جس کے سبب ایئر انڈیا کے مسافر ہوائی اڈوں پر پھنسے رہے ۔ایئر لائن کے لیے مسافر خدمات نظام مہیا کرانے والی امریکی کمپنی ‘سیتا’ کے سافٹ ویئر میں خرابی کی وجہ سے اس کا سرور ڈاؤن رہا جس کے سبب جہاز پرواز نہیں کرسکے ۔ اس خرابی سے آج رات تک پروازوں میں تاخیر ہونے کا خدشہ ہے ۔ کل 155 پروازوں میں اوسطاً دو گھنٹے کی تاخیر کا امکان ہے ، 18 گھریلو پروازوں کا وقت بدلا گیا ہے اور کچھ پروازیں منسوخ بھی کرنی پڑ سکتی ہیں۔ایئر انڈیا کے چیئرمین اور منیجنگ ڈائرکٹر اشونی لوھاني نے بتایا کہ ہندوستانی وقت کے مطابق صبح 3.30 سے [؟][؟]4.30 تک سیتا کا سرور معمول کی جانچ کے لئے بند کیا گیا تھا۔ اس دوران پروازیں نہیں ہوتیں۔ لیکن، سرور کو دوبارہ شروع کرنے پر اس کے سافٹ ویئر میں کچھ خرابی آ گئی۔ امریکہ اٹلانٹا میں ‘سیتا’ کے انجینئروں کی ٹیم مسلسل کوشش کرتی رہی اور صبح 8.45 بجے پیسنجر سروس سسٹم درست کیا جا سکا۔اس خرابی کی وجہ چیک ان اور بیگج سسٹم کے ساتھ ہی ریزرویشن کا عمل بھی متاثر رہا۔ ایئر انڈیا اور اس کی معاون کمپنی ایئر انڈیا ایکسپریس کی سبھی پروازیں صبح 10 بجے تک متاثر رہیں۔ اس دوران مسٹر لوھاني سمیت ایئر لائن کے سبھی سینئر افسر ہوائی اڈوں پر موجود رہ کر صورتحال پر نظررکھے ہوئے تھے ۔مسٹر لوھاني نے بتایا کہ آج رات تک خدمات پوری طرح معمول پر آجانے کی امید ہے ۔ کچھ جگہوں پر کنکٹنگ پروازوں میں بھی دقت آئے گی۔ اس کی وجہ سے جن مسافروں کی پروازوں میں تاخیر ہوئی ہے ان کو ٹھہرانے اور کھانے پینے کے انتظامات کئے گئے ہیں۔ جن کی کنکٹنگ پروازوں چھوٹ گئی ہیں انہیں متبادل پروازیں مہیا کرائے جانے کے وقت تک ٹھہرنے اور کھانے پینے کی سہولت دی جا رہی ہے ۔انہوں نے بتایا کہ متاثرہ مسافروں کو ٹکٹ منسوخ کرنے یا دوسری پرواز کا متبادل منتخب کرنے کی صورت میں کوئی اضافی چارج نہیں دینا ہوگا۔ انہوں نے مسافروں کو ہونے والی پریشانی پر افسوس ظاہر کیا۔‘سیتا’ نے ایک بیان جاری کرکے کہا کہ سرور کے رکھ رکھاؤ کے دوران اسے آج صبح پیچیدہ مسئلہ کا سامنا کرنا پڑا جس سے دنیا بھر میں ہوائی اڈوں پر ایئر انڈیا کی پروازیں متاثر رہیں۔ اس نے کہا کہ ایسی صورتحال دوبارہ پیدا نہ ہو اس کے لئے ‘ہم اس مسئلہ کی بنیادی وجہ جاننے کے لئے پوری جانچ پڑتال کر رہے ہیں۔ ہم پروازوں کے متاثر ہونے کی ذمہ داری لیتے ہیں اور ایئر لائن اور اس کے مسافروں کو ہونے والی پریشانی کے لئے افسوس کا اظہار کرتے ہیں
